Levitiko 4:21 - Tosi Tapu

²¹ E ave loa e le tagata faisakilifisio le pipi tagata ki fafo o le nofolaga, o tutu a ia i ai ofaipe lana tutu le uluaki pipi tagata. Ko le sakilifisio a ia ki le agasala o le kakai.

Levitiko 4:21 ပူးပေါင်းရင်းမြစ်များ

Esetalasi 8:35

Ko le kakai leia na toe liliu mai mei le popula na momoli ia loa ni failaulau ki le Atua o Iselaele, ko ni pipi tagata e kau agafulu tupu lua ki Iselaele katoa, mo ni ovi tagata e kau iva tupu ono, mo ni akeno e kau fitu tupu fitu, ti mo ni koti tagata e kau agafulu tupu lua ki le fakamolemole o agasala : ko nea fuli ana ko ni failaulau ki le Eteleno.

Ekesote 29:14

Kae e ke tutu loa i le afi, i le fafo o le nofolaga, le tino o le pipi, mo lona kili, ti mo ona vava : ko se sakilifisio lena ki le agasala.

Esekiele 45:22

E momoli loa e le tama aliki i le aso lena, kiate ia mo le kakai katoa o le fenua, se pipi tagata muli i se sakilifisio ki le fakamolemole o agasala.

Levitiko 16:15

Ti e tamate loa e ia le koti tagata ki le fakamolemole o agasala a le kakai, ti e ave loa e ia se toto ki loto o le lito tapono, o fai ai ni afusi ki le toto i aluga o le tapono o le manava alofa ti mo mua o le tapono o le manava alofa.

Levitiko 16:21

E teki loa e Alone ona lima e lua ki le fa ulu o le koti tagata mauli, ti e kofesio loa e ia kiate ia a ga sala fuli, mo maumau fuli, ti mo sala fuli o le kakai o Iselaele ; e teki loa e ia latou ki le fa ulu o le koti tagata, ti e kapu loa e ia le koti tagata ki le toafa, ki se tagata leia kua filifili ki le kauga lena.

Levitiko 16:27

E ave loa ki fafo o le nofolaga le pipi tagata o le fakamalie mo le koti tagata o le fakamalie, ala kua ave ola toto ki le sagatualio ke fai ai le fakamalie, ti e tutu loa e le afi ola kili, mo ola tino, ti mo ola faikauga.

Levitiko 4:13

Ti kapau na agasala fakafuanoa le fakatasi katoa o Iselaele o fai e ia se nea leia na tapui e se lao e tasi a le Eteleno, e agasala loa i ai le kakai katoa o Iselaele, logo ai na leaise iloa e ia.

Levitiko 4:20

Ti e fai loa e ia ki le pipi tagata lena ofaipe lana fai ki le pipi tagata leia na momoli e ia ki lana agasala totonu. Ko lena le nea leia e tonu ke fai e le tagata faisakilifisio ki le kakai o Iselaele ki le fakamolemole o lana agasala, ti e fakamolemole loa a ia kia latou e le Atua.

Levitiko 6:11

E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.

Levitiko 6:23

Kae e leaise kai loa se vikitima ki le agasala, leia na ave loa lona toto ki le falela tapu, ke fai ai le fakamalie i le sagatualio : e tonu ke tutu a ia i le afi.

Levitiko 8:17

Na tutu loa e ia le toe o le manu, mo lona kili, mo lona tino, ti mo ona faikauga, i le afi i fafo o le nofolaga, o mulimuli ki le fakatotonu leia na tuku e le Eteleno kia Moisese.

Numelo 15:24

Ti kapau na agasala kae na leaise iloa, e momoli loa e le fakatasi katoa se failaulau ki se pipi tagata muli, ko se nea manogi malie a ia ki le Eteleno, mo lona moliga falina, mo lona lipasio, ti mo se koti tagata ki le sakilifisio o le fakamalie.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Epelo 13:11

Ko tino o manu, ala kua momoli olatou toto i le sagatualio e le pule fai sakilifisio ki le agasala, e tutu i fafo o le nofolaga.