Levitiko 3:3 - Tosi Tapu

³ I le sakilifisio fakafetai lena, e momoli loa e ia ki le Eteleno se sakilifisio tutu e le afi : le gako loto katoa leia e kofu ia tootooga,

Levitiko 3:3 ပူးပေါင်းရင်းမြစ်များ

Pesalemo 119:70

E logo noa le loto ofaipe le gako ; Ko au, e kau maua oku fiafia i lau lao.

Ekesote 29:13

E ke too loa le gako loto o tootooga, mo le magai ate lasi, mo fa ifiifi e lua, ti mo le gako leia e kofu ia a ifiifi, ti e ke tutu loa a nea fuli ana i le aletale.

Ekesote 29:22

E ke too loa le gako o le ovi tagata, mo le siku, mo le gako loto leia e kofu ia a tootooga, mo le magai ate lasi, mo ifiifi e lua, mo le gako leia e kofu ai, ti mo le alaga mua atamai, talie ko se ovi tagata a ia o le fakatapu ;

Taagapati 23:26

Ei loku vosa, soli mai lou loto, Ti ke fiafia ou mata i oku ala.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esekiele 36:26

E kau soli loa kia koutou se loto foou, ti e kau tuku loa kia koutou se laumalie foou ; e kau too loa ia koutou le mafu fatu, ti e kau tuku loa kia koutou se mafu kanofi.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Levitiko 1:12

E tafa loa e ia le manu o fakainati ; ti e teki loa e le tagata faisakilifisio a inati, o fakatasi mo le fa ulu mo le gako loto, ki aluga o le fafie leia kua eti i le afi i aluga o le aletale.

Levitiko 1:8

E teki loa e tagata faisakilifisio, vosa o Alone, a inati, mo le fa ulu, ti mo le gako loto ki aluga o le fafie leia kua eti i le afi i aluga o le aletale.

Levitiko 16:25

E tutu loa e ia i aluga o le aletale le gako o le vikitima o le fakamalie.

Levitiko 3:16

E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ti e manogi a ia ki le Eteleno. E maua e le Eteleno a gako fuli.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:4

mo ifiifi e lua, mo le gako leia e pipiki i ai, ti mo le gako leia e pipiki i alaga muli, ti mo le ate maokioki leia e tatai fakatasi loa mo ifiifi.

Levitiko 4:10

E tatala loa e le tagata faisakilifisio a koga fuli ana ofaipe lana tatala ia ala o le sakilifisio fakafetai ; e tutu loa latou e le tagata faisakilifisio i le aletale o failaulau.

Levitiko 7:30

E too loa e ia i ona lima totonu le nea leia e tonu ke tutu e le afi i mua o le Eteleno ; e ave loa e ia le gako mo le vakavakapu, ti e liliaki loa e ia le vakavakapu i mua o le Eteleno.

Levitiko 7:5

E tutu loa e le tagata faisakilifisio a nea ana i aluga o le aletale ofaipe se sakilifisio tutu i mua o le Eteleno. Ko se sakilifisio a ia ki le agasala.

Levitiko 9:10

Ti na tutu loa e ia i aluga o le aletale le gako, mo ifiifi, mo le laui ate maokioki lasi o le vikitima, o mulimuli ki le fakatotonu a le Eteleno kia Moisese.

Mateo 13:16

Kae manuia okoutou mata, talie e lotou tio, ti mo okoutou taliga, talie e lotou logo !

Mateo 15:8

E fakaapaapa le kakai nei kiate au i olatou laugutu, Kae e mamao olatou loto iate au.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Uluaki tosi a Samuele 2:15

Ti i mua foki o le tutu o le gako, na au loa le tagata fakasausau a le tagata faisakilifisio, o pati ki leia na momoli ia le sakilifisio : Soli mai se inati ke fakapaku ki le tagata faisakilifisio ; e leaise loto a ia ki se inati moso meiate koe, kae ko se inati mata leia e loto a ia ki ai.