Levitiko 3:16 - Tosi Tapu

¹⁶ E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ti e manogi a ia ki le Eteleno. E maua e le Eteleno a gako fuli.

Levitiko 3:16 ပူးပေါင်းရင်းမြစ်များ

Senesi 4:4

Ti na fai foki e Apele, i lona potu, sana failaulau ki uluaki tupu o lana kau manu ti mo olatou gako. Na tali loa e le Eteleno a Apele mo lana failaulau.

Lua tosi o Koloniko 29:35

Ti na lasi ai foki a failaulau, mo gako o sakilifisio fakafetai, ti mo lipasio o failaulau. Koia na toe fakatuu ai loa le tausi o le fale o le Eteleno.

Lua tosi o Koloniko 7:7

Na fakatapui loa e Salomone le loto malie o le lotoa leia i mua o le fale o le Eteleno ; talie ko le ganea lena na momoli ai e ia a failaulau mo gako o sakilifisio fakafetai, talie na leaise feauga le aletale sila leia na fakatuu e Salomone ki failaulau, mo moliga, ti mo gako.

Ekesote 29:13

E ke too loa le gako loto o tootooga, mo le magai ate lasi, mo fa ifiifi e lua, ti mo le gako leia e kofu ia a ifiifi, ti e ke tutu loa a nea fuli ana i le aletale.

Ekesote 29:22

E ke too loa le gako o le ovi tagata, mo le siku, mo le gako loto leia e kofu ia a tootooga, mo le magai ate lasi, mo ifiifi e lua, mo le gako leia e kofu ai, ti mo le alaga mua atamai, talie ko se ovi tagata a ia o le fakatapu ;

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Levitiko 17:6

E liligi loa e le tagata faisakilifisio le toto o le manu i aluga o le aletale o le Eteleno, i le uluaga o le falela tapu ; ti e tutu loa e ia le gako, leia e sauga manogi loa ki le Eteleno.

Levitiko 4:26

Ti e tutu loa e ia le gako katoa i aluga o le aletale, ofaipe le sakilifisio fakafetai. Ko lena loa le nea leia e tonu ke fai e le tagata faisakilifisio ki le tagata pule ke fakamolemole ai lana agasala, ti e fakamolemole loa a ia e le Eteleno.

Levitiko 4:31

E tatala loa e ia le gako fuli, ofaipe lana tatala le gako o le sakilifisio fakafetai, ti e tutu loa e ia le gako lena i aluga o le aletale, ti ko se nea a ia e manogi malie loa ki le Eteleno. Ko lena le nea leia e tonu ke fai e le tagata faisakilifisio o uiga mo le fakamolemole o le agasala a le tagata lena, ti e fakamolemole loa a ia kiate ia e le Eteleno.

Levitiko 8:25

Ti na too loa e ia le gako, mo le siku, mo le gako fuli leia na kofu ia a tootooga, ti mo le laui ate maokioki lasi, mo ifiifi e lua, o fakatasi mo le gako leia na pipiki i ai, ti mo le alaga mua atamai.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Mateo 22:37

Na tali loa Sesu kiate ia : E ke alofa loa ki le Aliki, lou Atua, i lou loto katoa, mo lou laumalie katoa, ti mo lau manatu katoa.