Levitiko 3:1 - Tosi Tapu

¹ Ka momoli loa e se tagata ki le Eteleno se sakilifisio fakafetai : Ti kapau e momoli e ia se manu lasi, tagata pe fafine, e momoli loa e ia se manu lee mele ki le Eteleno.

Levitiko 3:1 ပူးပေါင်းရင်းမြစ်များ

Uluaki tosi o Koloniko 21:26

Na fakatuu loa e Tavite se aletale ki le Eteleno, ti na momoli loa e ia ni failaulau mo ni sakilifisio fakafetai. Na kalaga loa a ia ki le Eteleno, ti na tali loa le Eteleno kiate ia ki le afi, leia na ifo loa mei le lagi, o tutu le failaulau i aluga o le aletale.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Ekesote 24:5

Na kakau loa e ia ni tama tupulaga o fanau a Iselaele, ke lotou momoli ki le Eteleno ni failaulau, ti ke lotou tamate ni pipi tagata ki ni sakilifisio fakafetai.

Ekesote 29:28

E tuu loa a ia ko se lao ke tuku sosolo i tautupu mo tautupu i fanau a Iselaele : E soli loa a inati ana kia Alone mo ona vosa, i manu fuli ala e momoli mai kiate au e fanau a Iselaele i alatou sakilifisio fakafetai.

Taagapati 7:14

Na tonu ke kau momoli se sakilifisio fakafetai, Ti na kau fakasoko i le aso nei aku fakapapau.

Esekiele 43:27

Ka oki loa a aso ana, ti e kamata loa i le valu o aso o sosolo mai ai, e momoli loa e le kau faisakilifisio i le aletale akoutou failaulau mo akoutou sakilifisio fakafetai. Ti e kau loto malie loa kia koutou, e pati le Aliki, le Eteleno.

Esekiele 45:15

E kotou soli loa se ovi e tasi i se kau manu o ni ovi e kau lelau lua, i faisaga sesega malie o Iselaele, ki le moliga, mo le failaulau mo le sakilifisio fakafetai, o tupu ke momoli ofaipe se vikitima fakamolemole o le agasala, e pati le Aliki, le Eteleno.

Levitiko 1:10

Ti kapau ko lana moliga ko se manu ikiiki ki le failaulau, ko se akeno tagata muli pe ko se koti tagata muli, e momoli loa e ia se manu tagata lee mele.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 17:5

Ko le nea lena ke aua na tamate e fanau a Iselaele alatou manu i le vao, kae ke lotou aumai latou ki le tagata faisakilifisio, i le uluaga o le falela tapu, ti ke lotou momoli latou ki le Eteleno i ni sakilifisio fakafetai.

Levitiko 3:6

Kapau e momoli e ia se manu ikiiki, tagata pe fafine, i se sakilifisio fakafetai ki le Eteleno, e ave loa e ia se manu lee mele.

Levitiko 9:18

Ti na tamate loa e ia le pipi tagata mo le ovi tagata ki le sakilifisio o le komunio ki le kakai. Ti na avake loa e vosa o Alone le toto kiate ia, ti na liligi loa e ia a ia i le takatakai katoa o le aletale.

Levitiko 9:4

ti mo se pipi tagata mo se ovi tagata ki le sakilifisio o le komunio, ti ke momoli loa latou i mua o le Eteleno.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Malakia 1:8

Ka kotou momoli se failaulau ki se manu kivi, pe leaise veli ? Ka kotou momoli se manu kito pe maimoa, pe leaise veli ? Ke ke momoli a ia ki lou kovana ! Pe tali malie loa e ia a koe, pe tuku atu loa e ia kiate koe se nea malie ? E pati le Eteleno.

Numelo 15:8

Ti kapau e ke momoli se pipi tagata muli, pe ki se failaulau, pe ki se sakilifisio ki se fakapapau, pe ki se sakilifisio fakafetai ki le Eteleno,

Numelo 6:14

E ave loa e ia lana moliga ki le Eteleno : ko se akeno fetuu tasi ki le failaulau, mo se ovi fafine fetuu tasi ki le sakilifisio fakamalie, ti mo se ovi tagata lee mele ki le sakilifisio fakafetai ;

Numelo 7:17

mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Nasoni, vosa o Aminatape.

Numelo 7:59

mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Kameliele, vosa o Petasu.

Tetelonome 12:27

Ke ke momoli loa au failaulau, le kanofi mo le toto, i aluga o le aletale o le Eteleno, lou Atua ; i la ake au sakilifisio, e liligi loa le toto i aluga o le aletale o le Eteleno, lou Atua, ti e ke kai loa le kanofi.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Tuifakamaau 20:26

Na pale loa a fanau fuli o Iselaele mo le kakai katoa ki Petele. Ti na lotou fetagisi loa ti na lotou nonofo loa i ai i mua o le Eteleno, ti na lotou sesunio loa i le aso lena o kaku ki le afiafi, ti na lotou momoli loa ki le Eteleno ni failaulau mo ni sakilifisio fakafetai.

Tuifakamaau 21:4

I le apogipogi ake, na tuu ake loa le kakai ki aluga i le mafoata ; ti na lotou fakatuu loa se aletale i le ganea lena, ti na lotou momoli loa ni failaulau mo ni sakilifisio fakafetai.