Levitiko 27:30 - Tosi Tapu

³⁰ E maua e le Eteleno a vaega kau agafulu fuli o magiti o le kele ti mo fua o laakau ; ko se nea a ia kua fakatapui ki le Eteleno.

Levitiko 27:30 ပူးပေါင်းရင်းမြစ်များ

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 28:22

Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Senesi 47:24

Kae i le temi tanaki o le fulumeto, e kotou soli loa kia Falaone le vaega lima o le fulumeto. E fakalogo loa ala ake vaega e fa kia koutou, ke to ai akoutou faisaga, ti ke fagai ai akoutou fanau mo latou fuli ala e nofo i okoutou fale.

Senesi 47:26

Na fakatuu loa e Sosefo le nea lena ko se lao o kaku mai ki le aso nei : E soli loa le vaega lima o fua o le kele kia Falaone. Na gato fai ki kele o le kau pelepitelo na leaise maua loa e Falaone.

Lua tosi o Koloniko 31:12

Na aumai totonu loa ki ai a moliga, mo le vaega kau agafulu, mo nea taputapu. Na pule loa ki ai le Levi ko Konania, ti na tokoi kiate ia lona taina ko Simeli.

Neemia 12:44

I le aso lena, na fakanofo loa ni tagata ke leoleo ia a kogafale ala na tanaki ai a koloa o moliga, mo uluaki fua, mo vaega kau agafulu, ti na tuku loa kia latou ke lotou tanaki ki ai a vaega ala na fakatotonu e le lao ke soli ki le kau tagata faisakilifisio mo le kau Levi, mei kolo o le fenua. Talie na fiafia a Suta i le nofo a le kau tagata faisakilifisio mo le kau Levi i olatou tuulaga,

Neemia 13:12

Ti na toe aumai loa e Suta katoa ki fale tanaki koloa le vaega kau agafulu o le fulumeto, mo le vino, mo le lolo.

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Levitiko 27:29

E leaise feala loa ke toe totogi leia kua fakatapui ki le Eteleno o lee gato, e tamate loa a ia.

Levitiko 27:31

Kapau e loto se tagata ke toe totogi e ia se koga o lona vaega kau agafulu, e fakalasi loa e ia a ia ki se vaega lima.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 18:12

E kau sesunio tua lua i le vasaa, ti e kau soli le vaega kau agafulu o oku koloa fuli.

Tetelonome 18:8

e maua loa e ia se vaega tatau mo la ake ki lana nea kai, ti e toe maua loa e ia le totogi o ona nea fakafamili.

Tetelonome 26:12

I fetuu tolu fuli, e soko ai loa le fetuu o le vaega kau agafulu. Ka oki loa lau too le vaega kau agafulu, leia ko le vaega kau agafulu o au nea fuli, e ke tuku loa a ia ki le Levi, mo le matapule, mo le fanau leia e sala tamana, mo le fafine leia e sala avaga. E lotou kai loa a ia ti e lotou makona loa i le ganea lena e ke nofo ai.