Levitiko 27:28 - Tosi Tapu

²⁸ Ko nea fuli ala e fakatapui loa o tukupau e se tagata ki le Eteleno i ana nea fuli, e leaise toe feala loa ke toe fakatau a ia, pe ke toe totogi a ia, tatau fai pe ko se tagata, pe ko se manu, pe ko se faisaga ; ko nea fuli ala e fakatapui loa o tukupau ki le Eteleno e tuku loa ki le Eteleno o lee gato.

Levitiko 27:28 ပူးပေါင်းရင်းမြစ်များ

Lua tosi o Koloniko 31:14

Ko le Levi ko Kole, vosa o Simena, tagata leo matapa o le potu esite, na pule ki nea alofa ala na soli fakaalofa ki le Atua, ti na tufa ia a moliga maokioki mo moliga maokioki lasi.

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Esekiele 44:29

E lotou kai loa i moliga, mo sakilifisio ki agasala, mo failaulau ki le faisala ; ti e lotou maua loa a nea fuli ala e momoli mai loa kiate au i Iselaele.

Esekiele 48:14

E leaise mafai loa ke lotou fakatau, pe fetogi, pe totogi se kele ki se tasi i le vaega lena talie ko uluaki fua ana o le fenua, leia e mauiga ake i vaega fuli, ti ko le vaega lena o le Eteleno.

Levitiko 21:22

E feala loa ke kai e ia le nea kai o lona Atua, ni nea maokioki lasi mo ni nea tapu.

Levitiko 27:21

I le fetuu o le supileo e maua loa le faisaga lena e le Eteleno, ti e tuku loa a ia ki le kau tagata faisakilifisio, ofaipe se faisaga leia kua fakatapui ki le Eteleno o lee gato.

Levitiko 27:27

Ti kapau ko se uluaki o se manu kelekele, e toe totogi loa a ia o mulimuli ki lau fakafuafua, o fakalasi ki se tupu ko le vaega lima o le totogi leia kua fakasa. Ti kapau e leaise toe totogi loa a ia, e fakatau loa a ia o mulimuli ki lau fakafuafua.

Levitiko 27:29

E leaise feala loa ke toe totogi leia kua fakatapui ki le Eteleno o lee gato, e tamate loa a ia.

Numelo 18:14

E ke maua loa a nea fuli ala kua fakatapui kiate au i Iselaele.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 25:19

Koia ka saofaki ai loa a koe e le Eteleno, lou Atua, mei ou fili fuli ala e takatakai ia a koe, ti ka tuku atu loa e ia kiate koe le malolo i le fenua leia e soli atu loa kiate koe e le Eteleno, lou Atua, ke ke maua tofiga, ke ke soloi oki loa le igoa o Amaleke i lalo o le lagi : Ke aua na galo iate koe le nea lena !

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 7:25

Na pati loa Sosue : Na ke fakatupu ia lomatou malaia ! E fakamalaia loa a koe e le Eteleno i le aso nei. Ti na tuki fatui loa a ia e Iselaele katoa. Ti na lotou toe tamate fenaaki loa lona famili katoa, kae na lotou tutu loa ana nea fuli.

Tuifakamaau 21:11

Ko leinei le nea leia e kotou fai loa : Ke kotou tamate loa a tagata fuli mo fafine fuli ala kua momoe mo se tagata.

Tuifakamaau 21:18

Kae e leaise feala ke tou soli loa o tou taineliki ke avaga mo latou, o tupu ko le fakapapau leia na tou fai, o pati : Ke malaia leia e soli ia loa lona taine ke avaga mo se tagata o Pesamino.

Tuifakamaau 21:5

Na pati loa a fanau a Iselaele : Ko ai i faasiga fuli o Iselaele na leaise pale loa ki le fakatasiga i mua o le Eteleno ? Talie na fai loa se fakapapau o uiga mo le tagata leia e leaise pale loa ki le Eteleno i Misipa, o pati : E tautea loa a ia ki le mate.

Uluaki tosi a Samuele 15:18

Na kakau a koe e le Eteleno ke ano, o pati : Ano, ti ke maumaui loa a tagata agasala ana, le kau Amaleke ; e ke taui loa latou o kaku ki lolatou maumaui fuli.

Uluaki tosi a Samuele 15:3

Ano i le temi nei, o taai Amaleke, ti ke kotou maumaui loa ana nea fuli ; ke aua na ke fakamauli loa a ia, ti ke ke tamate loa a tagata mo fafine, a fanau mo toe memea, a pipi mo ovi, a kamelo mo asino.