Levitiko 27:21 - Tosi Tapu

²¹ I le fetuu o le supileo e maua loa le faisaga lena e le Eteleno, ti e tuku loa a ia ki le kau tagata faisakilifisio, ofaipe se faisaga leia kua fakatapui ki le Eteleno o lee gato.

Levitiko 27:21 ပူးပေါင်းရင်းမြစ်များ

Esetalasi 10:8

ti na fai loa o mulimuli ki le tonu a le kau pule mo le kau matua : kapau e leaise kaku loa se tasi ki Selusalemi i le oki o aso e tolu, e tonu loa ke too ona koloa fuli, ti e kapu loa a ia totonu mei le fakatasiga o le kakai o Iselaele.

Esekiele 44:29

E lotou kai loa i moliga, mo sakilifisio ki agasala, mo failaulau ki le faisala ; ti e lotou maua loa a nea fuli ala e momoli mai loa kiate au i Iselaele.

Levitiko 25:10

Ti e kotou fakatapui loa le kau lima fetuu, ti e kotou fakasa loa le lauatea ki kakai fuli o le fenua : ko le supileo loa a ia kia koutou ; e toe liliu loa le tagata taki toka tasi ki lona kele mo lona famili.

Levitiko 25:28

Ti kapau e leaise maua e ia le paaga ke toe totogi ai, ti e nofo loa le kele mo le tagata leia na totogi ia a ia o kaku ki le fetuu o le supileo. I le temi lena e toe too loa e le tagata leia o ona le kele lona kele.

Levitiko 25:31

Kae ko fale o kolo liliki ala e leaise a fatu e mulimuli loa ki le lao o kele o le fenua : e feala loa ke toe totogi latou, ti e mavae loa le tagata leia na totogi ia a ia i le fetuu o le supileo.

Levitiko 27:20

Ti kapau e leaise toe totogi loa e ia lana faisaga, kae fakatau loa e ia a ia ki se tasi, e leaise mafai loa ke toe totogi e ia lana faisaga :

Levitiko 27:22

Ti kapau e fakatapui loa e se tasi ki le Eteleno se faisaga leia kua totogi e ia kae na leaise kau ki lona tofiga,

Numelo 18:14

E ke maua loa a nea fuli ala kua fakatapui kiate au i Iselaele.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Sosue 6:17

Ke maumaui loa le kolo mo nea fuli e maua i ai, talie kua fakatapui a ia ki le Eteleno. Kae e tuku loa le mauli ki le fafine faiaga ko Laape ti mo latou fuli ala e nonofo loa mo ia i lona loto fale, talie na fakamumuni e ia a tagata avelogo ala na tou kakau.