Levitiko 27:13 - Tosi Tapu

¹³ Ti kapau e loto loa le tagata lena ke toe totogi e ia lana manu, e totogi loa e ia se tupu, ko le vaega lima o le totogi o le manu.

Levitiko 27:13 ပူးပေါင်းရင်းမြစ်များ

Levitiko 22:14

Kapau e kai fakafuanoa loa e se tagata se nea tapu, e liufaki loa e ia ki le tagata faisakilifisio le tatau o le nea tapu lena, o toe fakalasi a ia ki lona vaega lima.

Levitiko 27:10

E leaise feala loa ke toe fetogi a ia ki se tasi ake a manu, pe malie ake pe veli ake. Ti kapau e fetogi loa le manu lena ki se tasi ake a manu, e tapu loa a manu ana e lua.

Levitiko 27:12

Ti e tuku loa e le tagata faisakilifisio le totogi o le manu, o fakafuafua ki lona malie mo lona veli ; ti e tonu loa ke fai ki le totogi lena.

Levitiko 27:14

Ti kapau e fakatapui loa e se tagata lona fale ki le Eteleno, e fakasa loa e le tagata faisakilifisio le totogi o mulimuli ki le malie mo le veli o le fale ; e fai loa ki le totogi lena.

Levitiko 27:15

Ti kapau e loto loa le tagata ke toe totogi e ia lona fale, e totogi loa e ia mo se tupu ko le vaega lima o le totogi lena kua fakasa e le tagata faisakilifisio, ti e toe maua loa e ia lona fale.

Levitiko 27:19

Ti kapau e loto loa le tagata a ana le faisaga ke toe totogi e ia lana faisaga, e totogi loa e ia se tupu ko le vaega lima o le totogi leia kua fakasa e le tagata faisakilifisio.

Levitiko 27:27

Ti kapau ko se uluaki o se manu kelekele, e toe totogi loa a ia o mulimuli ki lau fakafuafua, o fakalasi ki se tupu ko le vaega lima o le totogi leia kua fakasa. Ti kapau e leaise toe totogi loa a ia, e fakatau loa a ia o mulimuli ki lau fakafuafua.

Levitiko 5:16

E tonu foki ke toe totogi e le tagata lena le puli o le sagatualio, o toe tuku e ia ki le totogi lena le vaega lima o le totogi, ti e tuku loa e ia a nea fuli ana ki le tagata faisakilifisio. Ti e momoli loa e le tagata faisakilifisio kiate ia le ovi tagata leia ke fai ai le sakilifisio o le fakamolemole o lana agasala, ti e fakamolemole loa kiate ia.