Levitiko 26:6 - Tosi Tapu

⁶ E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Levitiko 26:6 ပူးပေါင်းရင်းမြစ်များ

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Uluaki tosi o Koloniko 22:9

Ko leinei, e tupu loa kiate koe se vosa, leia e liliu loa ko se tagata o le malolo, ti e kau soli loa kiate ia le tokamalie o saofaki a ia mei ona fili fuli i ona tafatafa ; talie ko Salomone lona igoa, ti e kau soli loa ki Iselaele le tokamalie mo le fimalie i le lolotoga o lona mauli.

Lua tosi o Koloniko 20:30

Ti na fimalie loa le puleaga o Sosafate, talie na soli loa kiate ia e lona Atua le tokamalie i ona tafatafa fuli.

Sopo 11:19

E ke moe loa kae e leaise toe fakamamae a koe e se tasi, Ti e amoamo loa ou mata e se toka api.

Sopo 5:23

Talie e ke kaukaunea loa mo fatu o faisaga, Ti e ke tokamalie loa mo manu o le kele.

Pesalemo 144:14

E fanaunau amatou kau pipi fafine muli ; E leai se maumau, e leai se popula, E leai se tagi i omatou ala !

Pesalemo 147:14

E toe tuku e ia le tokamalie ki lou fenua, E fakamakona e ia a koe ki le fulumeto saosaoa.

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 3:5

I loku leo na kau tagi ki le Eteleno, Ti e tali mai a ia kiate au mei lona mauga maokioki. -Manava.

Pesalemo 4:8

E ke tuku ki loku loto se fiafia o lasi ake i leia e lotou maua Mo ka lasi lolatou fulumeto mo lolatou vino.

Pesalemo 85:8

Eteleno ! ke ke fakatio matou ki lou agamalie, Ti ke ke tuku mai kia matou lou mauli !

Ekesote 23:29

E leaise kau kapu loa latou i se fetuu e tasi ke mamao meiate koe, o tupu na liliu loa le fenua ko se toafa, ti na tupu loa o lasi kiate koe a manu o le vao.

Taagapati 3:24

Kapau e ke moe, e leaise ke tuania loa se nea ; Ti ka ke moe mate, e ano malie loa lau moe.

Taagapati 6:22

E lotou taki loa a koe i lau saele, E lotou taupau loa a koe i lou moeaga, E lotou masau loa kiate koe i lou ala.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 35:9

I le ala lena, e leai se laione ; E leaise ano loa i ai se manu fekai, E leaise felavei loa i ai mo se manu fekai. Ko latou ala na saofaki e le Eteleno e saele loa i ai.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 31:26

I le nea lena na kau ala loa, ti na kau tio : Na ano malie laku moemiti kiate au.

Esekiele 14:15

Kapau na kau tuku loa ke taka ni manu fekai i le fenua, o maumaui a ia, ti kapau na liliu loa a ia ko se toafa leia na leaise toe ano ai loa se tagata o tupu ko manu fekai ana,

Esekiele 14:17

Ti kapau na kau aumai loa le seleta ki le fenua leinei, ti kapau na kau pati loa : Ke ano le seleta i le fenua ! Ti kapau na kau tuuti loa i ai a tagata mo manu,

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Esekiele 34:27

E tuku loa e le laakau o faisaga lona fua, ti e soli loa e le kele ona fua. E fimalie loa aku ovi i lolatou fenua ; ti e lotou iloa loa ko au ko le Eteleno, i le aso leia e kau motusi ai loa a sai o lolatou popula, ti e kau saofaki ai loa latou i le lima o latou ala e fakamakeke kia latou.

Esekiele 5:17

E kau kakau loa kia koutou le oge mo manu fekai, ala e tamate ia loa akoutou fanau ; e ano loa le masaki mo le toto i loto malie o ou ; ti e kau kakau mai loa kiate koe le seleta. Ko au, le Eteleno, leia e folafola.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Oseo 2:20

I aso ana, e kau fai loa kia latou se sai mo manu o faisaga, mo manu lele o le lagi, ti mo manu totolo o le kele ; e kau fatii loa i le fenua le gasau, mo le seleta, ti mo le tau, ti e kau fakamalolo loa latou i le tokamalie.

Levitiko 25:18

Kotou mulimuli ki aku lao, ti kotou tausi aku fakatotonu, ti kotou fai latou ; ti e kotou mauli loa i le fimalie i le fenua.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Levitiko 26:7

E kotou kapu loa okoutou fili, ti e lotou mamate loa i le seleta i okoutou mua.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Akeseo 2:9

E lasi ake loa le kololia o le fale fakamuli leinei I le kololia o le uluaki fale, E pati le Eteleno o kau tau ; Ti ko le ganea leinei e kau tuku ai loa le tokamalie, E pati le Eteleno o kau tau.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Gaoi 12:6

I le pouli, leia na ala usu ake ti fakamaaui loa a ia e Elote, na moe loa Petelo i vasa o tagata solia e toka lua, kua sai a ia ki tini e lua ; ti na tutuu loa ni tagata leo pilisoni i mua o le matapa, o leo le fale pilisoni.

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,