Levitiko 26:43 - Tosi Tapu

⁴³ I le temi leia e lotou puli ai loa i le fenua, e malolo loa le fenua. I le temi lena, e lotou totogi ai loa le tua o alatou agaveli, talie na lotou tiaki aku fakatotonu ti na vesia olatou laumalie ki aku lao.

Levitiko 26:43 ပူးပေါင်းရင်းမြစ်များ

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Sopo 5:17

Manuia le tagata leia e tautea e le Atua ! Aua na ke fakanoai le tautea mei le Mafimafi.

Pesalemo 119:67

I mua o loku fakamamaei, na kau sese ; I le aso nei e kau fai lau folafola.

Pesalemo 119:71

E malie kiate au ke tuku au ki lalo, O tupu ke kau ako au fakatuutuu.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 50:17

E koe leia e vesia ki manatu, Ti e tiaki ia aku folafola ki ou muli !

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Selemia 31:19

I le oki o laku titua kiate koe, e kau logoi se loto fakasemala ; Ti i le oki o laku fakasa aku sala, e kau papa ki loku tega, E kau luma ti e kau mamae, Talie e kau amo le luma o loku temi tupulaga.

Taniela 9:14

Koia kua taupau ai e le Eteleno le malaia lena, o kakau mai kia matou ; talie e faitotonu le Eteleno, lomatou Atua, i nea fuli ala na fai e ia, kae na leaise motou fakalogo ki lona leo.

Levitiko 26:11

E kau fakatuu loa loku nofoaga i loto malie o koutou, ti e leaise vesia loa loku laumalie kia koutou.

Levitiko 26:15

Ti kapau e kotou tiaki loa aku fakatotonu, ti kapau e vesia loa okoutou laumalie ki aku fakatotonu, o leaise kotou mulimuli loa ki aku folafola fuli ti e kotou motusi loa laku sai,

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Levitiko 26:41

e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.

Amosi 5:10

I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Loma 8:7

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !