Levitiko 26:4 - Tosi Tapu

⁴ E kau kakau mai loa kia koutou ni ua i olatou temi, ti e soli loa e le kele ona magiti, ti e soli loa e laakau fua o faisaga olatou fua.

Levitiko 26:4 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Sopo 5:10

Ko ia leia e fakato ia a ua ke fakavai ai le kele, E tuku e ia mei le lagi le vai ke fakavai ai a faisaga.

Pesalemo 104:13

Mei lona nofoaga taualuga, e fakavai e ia a mauga ; E makona le kele i le fua o au gaoi.

Pesalemo 67:6

E fakafetai a kakai kiate koe, ei Atua ! E fakafetai a kakai fuli kiate koe.

Pesalemo 67:7

E soli e le kele ona fua ; Ko le Atua, lomatou Atua, e tapuaki kia matou.

Pesalemo 68:9

Na galulu loa le malama nei, na tafe loa ni vai i le kele i mua o le Atua Na lulu Sinai i mua o le Atua, le Atua o Iselaele.

Pesalemo 85:12

E somo ake le agatonu i le kele, Ti e tio mai le faitotonu mei le lagi.

Pesalemo 85:13

Io, e soli loa e le Eteleno le manuia, Ti e tuku loa e lotatou kele ona fua.

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Esekiele 36:30

E kau liuliuga loa a fua o laakau mo fua o faisaga, o tupu ke aua na kotou toe maua loa le luma o le oge i mua o atu puleaga.

Soele 2:22

Manu o le vao, aua na kotou i, Talie e toe sesega loa a toafa, Ti e toe fua loa a laakau, Ti e toe soli loa e le fiki mo le vite ola koloa.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 25:21

E kau tuku atu loa kia koutou laku tapuaki i le ono o fetuu, ti e soli loa e ia se taukai ki fetuu e tolu.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Gaoi 14:17

kae na leaise toe tuku lana fakamaoki kiate ia i ana nea malilie, o soli kia koutou a ua mei le lagi, mo temi mou, ti mo fakapelepelei koutou ki nea kai mo le fiafia.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Tetelonome 11:14

ti e kau tuku loa ki lokoutou fenua le ua i lona temi, i le temi mafana mo le temi mokomoko, o tupu ke kotou maua ni fuata malilie o le fulumeto, mo le vino foou, mo le lolo.

Tetelonome 28:12

E fakamavaa loa e le Eteleno lona koloa malie, le lagi, ke to kiate koe le ua i lona temi, ti ke manuia le gaoi katoa o ou lima : E ke soli maua loa ki ni puleaga mauke kae e leaise ke too maua loa.

Sakopo 5:7

Koia, fetaina, ke kotou kataki fualoa, o kaku ki le toe liliu mai a le Aliki. Kotou tio ki le talitali a le tagata gaoi kele ki le fua mauiga o le kele : e talitali a ia o kaku ki le to o ua o le temi mamate ti mo ua o le temi tutupu.

Apokalipisi 11:6

E la maua le pule ke tapono ai le lagi, o tupu ke aua na to se ua i aso ala e la akonaki fakakikite ai ; ti e la maua le pule ke fetogi ai a vai ke toto, ti ke tautea ai le malama nei ki malaia kesekese, i temi fuli ala e la loto loa ki ai.