Levitiko 26:39 - Tosi Tapu

³⁹ Ti ko latou ala e sao loa i le mate i fenua ana, e tautea loa ki le gaegae o tupu ko alatou agasala ti mo agasala o olotou tupuna.

Levitiko 26:39 ပူးပေါင်းရင်းမြစ်များ

Lua tosi o Koloniko 34:24

Ko leinei le folafola a le Eteleno : Ka kau fakavilo ia loa ni malaia ki le ganea leinei mo lona kakai, a malaia fuli ala e tuu i le tosi leia na lau i mua o le sau o Suta.

Esetalasi 9:7

Talu mei aso o omatou tamana kua motou agasala lasi o kaku mai ki le aso leinei. Ti ko amatou agasala ala kua tuku ia matou, mo omatou sau, mo omatou tagata faisakilifisio, ki lima o sau matapule, mo le seleta, mo le popula, mo le maumau, ti mo le luma leia kua ufiufi ia omatou mata i le aso nei.

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 34:7

leia e taupau ia lona alofa o kaku ki tautupu e afe, leia e fakamolemole ia le agaveli, mo le patigataa, ti mo le agasala, kae e leaise tuku noa e ia leia e agasala, ti e fakatuaa e ia le agaveli a tamana ki fanau mo makopuna o kaku ki le tolu mo le fa o tautupu.

Esaia 14:21

Kotou teuteu le tamate o vosa, O tupu ko le agasala o olatou tamana ! Ke aua na lotou toe tuu ake ki aluga o pule i le kele, Ti mo fakaapele le malama nei i fili !

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Selemia 29:12

E kotou kalaga mai loa kiate au, ti e kotou ano loa ; e kotou faikole mai loa kiate au, ti e kau fakalogo atu loa kia koutou.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 31:29

I aso ana, e leaise toe pati loa : Na kai e tamana ni vite momoto, Ti na makiti a nifo o fanau.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 4:9

Ko latou ala e mamate i le seleta e manuia ake Ia latou ala e mamate i le fia kai, Ala e vivilo Talie e leaise koi i ai ni fua o faisaga.

Esekiele 18:19

E kotou pati : Kolea e leaise amo ai loa e le vosa le agasala a lona tamana ? Talie na fai e le vosa o mulimuli ki le faitotonu mo le maoki, talie na tausi e ia ti mo fai e ia aku lao fuli ; e mauli loa a ia.

Esekiele 20:43

I ai e kotou manatui loa akoutou agaveveli mo nea fuli ala na kotou fai o koutou kelekele ai ; e kotou fakalialia loa kia koutou totonu, o tupu ko nea fakalialia fuli ala na kotou fai.

Esekiele 24:23

ti e kotou sai loa okoutou ulu, ti e kotou tui loa okoutou taka ; e leaise kotou tagi laulau loa ti e leaise kotou tagi loa ; kae e kotou gaegae loa o tupu ko akoutou agasala, ti e kotou mamae loa.

Esekiele 33:10

Ti ko koe, vosa o le tagata, pati ki le fale o Iselaele : E kotou pati : Kua vilo kia matou amatou agaveli mo amatou agasala, koia leia kua motou gaegae ai ; pe feaki loa lamatou toe mauli ?

Esekiele 36:31

I le aso lena e kotou manatui loa lokoutou mauli leia na veli, mo akoutou gaoi ala na leaise malilie ; ti e kotou fakalialia loa kia koutou totonu, o tupu ko akoutou agaveli mo akoutou aga fakalialia.

Esekiele 4:17

Talie e lotou mativa loa i le pane mo le vai, ti e lotou fetioaki noa loa i le i, ti e lotou masasaki loa o tupu ko alatou agasala.

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Sakalia 10:9

E kau veteki loa latou i atu puleaga, Ti e lotou manatui loa au i mamao. E lotou mauli loa mo alatou fanau, ti e lotou toe liliu mai loa.

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Tetelonome 28:65

I puleaga ana, e leaise ke fimalie loa ti e leaise ke maua loa se ganea leia ke malolo ai ou alofivae. Kae e tuku loa e le Eteleno kiate koe se loto lulu, mo ni mata gaegae, mo se loto mamae.

Tetelonome 30:1

Kapau e soko loa folafola fuli anei kiate koe, le tapuakina mo le malaia ala e kau tuku ki ou mua, kapau e ke toe too loa latou i lou loto katoa i loto malie o puleaga fuli ala na fakamavete loa a koe ki ai e le Eteleno, lou Atua ;

Tetelonome 5:9

Ke aua na ke punou loa i mua o nea ana, ti aua na ke tausi loa kia latou ; talie ko au ko le Eteleno, lou Atua, ko au ko se Atua finenonofo, leia e tautea ia le agasala a tamana ki vosa o kaku ki le tolu mo le fa o tautupu o latou ala e vesia kiate au,

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.