Levitiko 26:37 - Tosi Tapu

³⁷ E lotou sisiga loa o fetaotaomiaki ofaipe le sosola i mua o le seleta, kae e leaise tuli latou e se tasi. E leaise lotou tutuu loa i mua o le fili.

Levitiko 26:37 ပူးပေါင်းရင်းမြစ်များ

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Selemia 46:16

E fakatukia e ia se toka api ; E lotou sisiga leia ki leia, ti e lotou pati : Tou ano, tou toe liliu ki lotatou kakai, Ki lotatou fenua tupu, O mamao i le seleta maumau !

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Naume 3:3

Kua oso a tagata eke osi, kua tapa le seleta, kua masika gigila le tao ofaipe se uila… Kua se ma lau a mate !… Kua saele i aluga o mate !…

Numelo 14:42

Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 7:22

I le temi katoa na pupusi ai loa a talai manu e le kau tagata e tino lelau tolu, na fai loa e le Eteleno i le nofolaga tau o Matiane ke fetauaki le kau Matiane o mamate. Na sola loa le toega o le kau Matiane o kaku ki Pete-Sita i le ala o Selela, ti toe kaku ki le kolo ko Apele-Meola, i tafa o Tapati.

Uluaki tosi a Samuele 4:2

Na fakaatu loa e le kau Filisitini alatou kau tau ki Iselaele, ti fai loa le tau. Na tamate loa Iselaele e le kau Filisitini, ala na tamate ia loa i le malae tau ni tagata e tino afe fa.