Levitiko 26:36 - Tosi Tapu

³⁶ E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Levitiko 26:36 ပူးပေါင်းရင်းမြစ်များ

Senesi 35:5

Ti na lotou ano loa. Na mafola loa le i ki le Atua i kolo fuli ala na ofi kia latou, ti na leaise tuli loa e se tasi a vosa o Sakopo.

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Lua tosi o Koloniko 14:14

Na lotou maumaui foki a nofoaga o kau manu, ti na lotou ave loa ni kau ovi mo ni kau kamelo mauke ai. Ti na lotou toe liliu loa ki Selusalemi.

Sopo 13:25

Pe ke fia taai se lau laakau leia e agina ? Pe ke fia tuli se ga penu malo ?

Pesalemo 53:5

Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

Pesalemo 53:6

Koia e lotou lulu ai loa i le i, Kae e leaise fakaii latou e se nea ; E veteki loa e le Atua a ivi o latou ala e tau kiate koe ; E ke fakaluma loa latou, talie kua tiaki latou e le Atua.

Pesalemo 89:43

Kua ke siki ki aluga le lima atamai o ona fili, ti kua ke fakafiafia ona fili fuli.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 30:17

E sola loa se tino afe i le fakaii a se fa toka tasi, Ti e kotou fesolaki loa i le fakaii a se toka lima, O kaku ki lokotou nonofo taki toka tasi Ofaipe se fakamailoga i le tumutumu o le mauga, Ofaipe se manumanu i le tumutumu o le mauga ikiiki.

Esaia 7:2

Na fakasa loa ki le fale o Tavite : Kua fakatuu le nofolaga tau o le kau Silia i Efalaimi. Ti na lulu loa le loto o Akasi mo lona kakai ofaipe le lu o laakau o le vao e le matagi.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Selemia 46:16

E fakatukia e ia se toka api ; E lotou sisiga leia ki leia, ti e lotou pati : Tou ano, tou toe liliu ki lotatou kakai, Ki lotatou fenua tupu, O mamao i le seleta maumau !

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 1:6

Kua puli le kololia katoa o le taine o Sione ; Kua fai ona pule pe ni tia, Ala e leaise koi maua ia se mutie ke kai, Ti kua sosola sala makeke i mua o leia e kapu ia latou.

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Esekiele 21:12

Ti kapau e lotou pati atu kiate koe : Kolea e ke tagi ai ? E ke tali loa kia latou : Talie kua kaku mai se logo… E fatifati loa a loto fuli, E mamate noa loa a lima fuli, E gaegae loa a laumalie fuli, E malu loa a tuli fuli ofaipe le vai… Ko leinei, kua au a ia, ti ka soko loa a ia ! E pati le Aliki, le Eteleno.

Esekiele 21:15

Kua fakakakai a ia ke tamate, Kua gigila a ia ke ula. Pe tou fiafia loa ? E vesia le tokotoko o loku vosa ki laakau fuli…

Esekiele 21:7

Vosa o le tagata, fakaaga ou mata ki Selusalemi, Ti ke masau ki potu tapu ! Kikite ki le fenua o Iselaele !

Oseo 8:3

Na tiaki e Iselaele le malie ; E tuli loa a ia e le fili.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:35

I le temi katoa leia e maumaui ai loa a ia, e maua loa e ia le malolo leia na leaise maua e ia i okoutou sapato, i le temi leia na kotou nofoi ai a ia.

Tetelonome 1:44

Ti na ifo ake loa kia koutou le kau Amole, ala na nofo i le mauga lena, ofaipe se mumuiga lago meli, o tamate koutou i Seili, ti mo kapu koutou o kaku ki Olama.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Sosue 7:5

Na tamate loa e le kakai o Ai se tino tolu tupu ono o le kakai o Iselaele, ti na lotou tuli loa le kau Iselaele mei le matapa o le kolo o kaku ki Sepalimi, ti na lotou tamate loa latou i le fakamaifo. Na luma loa le kakai i le nea lena, ti na lotou loto gaegae loa.

Uluaki tosi a Samuele 17:24

I le tio a tagata fuli o Iselaele ki le tagata lena, na lotou fesolaki fuli loa i ona mua, ti na lotou i lasi ai.