Levitiko 26:34 - Tosi Tapu

³⁴ Ti e maua loa e le fenua ona sapato, i le temi katoa lena e kotou mavetevete ai i atu puleaga kesekese ala e ave loa koutou ki ai e okoutou fili ; ti e malolo loa le fenua, mo fakafiafia ki ona sapato.

Levitiko 26:34 ပူးပေါင်းရင်းမြစ်များ

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Levitiko 25:10

Ti e kotou fakatapui loa le kau lima fetuu, ti e kotou fakasa loa le lauatea ki kakai fuli o le fenua : ko le supileo loa a ia kia koutou ; e toe liliu loa le tagata taki toka tasi ki lona kele mo lona famili.

Levitiko 26:35

I le temi katoa leia e maumaui ai loa a ia, e maua loa e ia le malolo leia na leaise maua e ia i okoutou sapato, i le temi leia na kotou nofoi ai a ia.

Levitiko 26:43

I le temi leia e lotou puli ai loa i le fenua, e malolo loa le fenua. I le temi lena, e lotou totogi ai loa le tua o alatou agaveli, talie na lotou tiaki aku fakatotonu ti na vesia olatou laumalie ki aku lao.