Levitiko 26:31 - Tosi Tapu

³¹ E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 26:31 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Lua tosi o Sau 22:19

O tupu na lave loa le nea lena ki lou loto, o tupu na ke fakataulalo i mua o le Eteleno i lau logo ki le nea leia na kau fakasa o uiga mo le ganea leinei mo lona kakai, ala e liliu loa ko se nea fakaii ti ko se nea fakatupu malaia, talie na ke sae ou kofu ti na ke tagi i oku mua, ko au foki, na kau logo ki ai, ko le pati leinei a le Eteleno.

Lua tosi o Koloniko 36:19

Na lotou tutu loa le fale o le Atua, na lotou maumaui loa a paa o Selusalemi, na lotou tuku loa ki le afi a nea fuli o ona fale sau mo maumaui loa a nea mauiga fuli.

Neemia 1:3

Na lotou tali mai loa kiate au : Ko latou ala na toe i le popula e nonofo i le fenua, i se malaia lasi mo se luma lasi ; kua solo a paa fatu o Selusalemi, ti kua tutu ona matapa e le afi.

Neemia 2:17

Ti na kau pati loa kia latou : E kotou tio ki le malaia kua tou nofo ai ! Kua maumaui Selusalemi ti kua tutu o okioki ona matapa e le afi ! Kotou au, tou toe lagai le paa o Selusalemi, ti e leaise tou toe nofo loa i le luma.

Neemia 2:3

Ti na kau tali loa ki le sau : Ke mauli le sau o lee gato ! Pe feaki loa ke aua se kau mata mamae kae maumau le kolo leia e tuu ai a tanuma o oku tamana, ti kua tutu o okioki ona matapa e le afi ?

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Esaia 63:18

Na maua e lou kakai maokioki le fenua i se ga temi toetoe fua ; Na takatakafi e omatou fili lou sagatualio.

Esaia 64:9

Kua liliu ou kolo maokioki ko se toafa ; Kua liliu Sione ko se toafa, Ti kua lavaki Selusalemi.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 22:5

Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 26:9

Kolea e ke kikite ai i le suafa o le Eteleno, o pati : E fai loa le fale leinei pe Silo, ti e maumaui loa le kolo leinei, ti e leaise toe nofoi loa a ia ? Ti na mumui loa le kakai katoa kia Selemia i le fale o le Eteleno.

Selemia 4:26

E kau tio, ti ko leinei, kua toafa le Kalemelo ; Ti kua maumaui ona kolo fuli, i mua o le Eteleno, I mua o lona sausau kaka.

Selemia 4:27

Talie e folafola le Eteleno, o pati : E maumaui loa le fenua katoa ; Kae e leaise kau fai loa se maumau katoa.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 44:2

E folafola le Eteleno o kau tau, le Atua o Iselaele, o pati : Kua kotou tio ki malaia fuli ala na kau kakau mai ki Selusalemi mo kolo fuli o Suta : I le aso leinei kua lotou tuu ko ni kolo maumau, ti e leaise koi i ai se kakai,

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Selemia 52:13

Na tutu loa e ia ki le afi le fale o le Eteleno, mo le fale o le sau, mo fale fuli o Selusalemi ; kae tafito a fale o latou fuli ala na mauiga.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Tagi laulau a Selemia 2:6

Na veteki e ia lona a ofaipe leia o se oloto, Na maumaui e ia le ganea o lana fakatasi ; Na galoi e le Eteleno i Sione a aso lalasi mo le sapato, Ti na tiaki e ia i lona sausau lasi le sau mo le tagata faisakilifisio.

Tagi laulau a Selemia 2:7

Na vesia le Aliki ki lona aletale, na tiaki e ia lona sagatualio, Na tuku e ia ki lima o le fili a paa o fale fakaalialiki o Sione ; Na gugulu ni kalaga i le fale o le Eteleno Ofaipe se aso lasi.

Esekiele 12:20

E maumau loa a kolo ala na apiapi, Ti e liliu loa le fenua ko se toafa. Ti e kotou iloa loa ko au ko le Eteleno.

Esekiele 21:15

Kua fakakakai a ia ke tamate, Kua gigila a ia ke ula. Pe tou fiafia loa ? E vesia le tokotoko o loku vosa ki laakau fuli…

Esekiele 21:7

Vosa o le tagata, fakaaga ou mata ki Selusalemi, Ti ke masau ki potu tapu ! Kikite ki le fenua o Iselaele !

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Taniela 2:46

Ti na fakamapee loa le sau ko Nepukatenesale o fakatau ona mata ki le kele, o punou i mua o Taniela, ti na fakatotonu loa e ia ke momoli kia Taniela ni failaulau mo ni kaloni.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Gaoi 6:14

talie kua motou logo ki lana pati : ko Sesu, lena mei Nasaleti, e maumaui loa e ia le ganea leinei, ti e fetogi loa e ia a agai fenua ala na tuku mai e Moisese kia tatou.

Epelo 10:26

Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,