Levitiko 26:30 - Tosi Tapu

³⁰ E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Levitiko 26:30 ပူးပေါင်းရင်းမြစ်များ

Senesi 19:13

Talie ka ma maumaui loa le ganea leinei, o tupu kua lasi ai le tagi ki lona kakai i mua o le Eteleno. Na kakau mai maua e le Eteleno ke ma au o maumaui a ia.

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Uluaki tosi o Sau 13:32

Talie e soko maoki loa le folafola leia na fakasa e le tagata a le Atua mei le folafola a le Eteleno, ki le aletale o Petele ti mo potu taualuga fuli ala e tuu i kolo o Samalia.

Lua tosi o Sau 23:16

I le maliu loa a Sosiasi o tio ki tanuma ala na tuu i le mauga, na kakau loa e ia ke tae mai a ivi mei tanuma, ti na tutu loa e ia latou i aluga o le aletale ke fakakelekele ai latou, o mulimuli ki le folafola leia na fakasa e le Eteleno i le gutu o le tagata a le Atua, leia na fakasa fakatomua ia a nea ana.

Lua tosi o Sau 23:20

Na tutu loa e ia i aluga o aletale a kau pelepitelo fuli o ganea taualuga, ala na nonofo i ai, ti na tutu loa e ia a ivii tagata i ai. Ti na toe liliu loa Sosiasi ki Selusalemi.

Lua tosi o Sau 23:8

Na fakamaopo mai loa e ia a kau pelepitelo fuli o kolo o Suta ; ti na fakakelekele loa e ia a ganea taualuga ala na tutu ai e le kau pelepitelo a nea fakamanogi, mei Kepa o kaku ki Peele-Sepa ; ti na maumaui loa e ia a ganea taualuga o matapa, leia na tuu i le uluaga o le matapa o Sosue, le pule o le kolo, ti mo leia na tuu i le fetuu sema o le matapa o le kolo.

Lua tosi o Koloniko 23:17

Na ulu loa le kakai katoa ki le fale o Paale, o maumaui a ia ; na lotou laliki loa ona aletale mo ona fakatata, ti na lotou tamate loa Matane, pelepitelo a Paale, i mua o aletale.

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Pesalemo 106:40

Na ula loa le sausau o le Eteleno ki lona kakai, Ti na fakalialia loa a ia ki lona tofiga.

Pesalemo 89:38

Ofaipe le masina e tologa loa a ia o lee gato. E agatonu le tagata fakamaoki leia e nofo i le lagi. - Manava.

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Esekiele 16:39

E kau tuku loa a koe ki olatou lima ; ti e lotou maumaui loa ki lalo ou ganea faiaga, ti e lotou maumaui loa ou ganea taualuga ; e lotou too loa ou teu, ti e lotou too loa lou teu fulumalie, kae e lotou tiaki telefua loa a koe, io, e lotou tiaki telefua katoa loa a koe.

Esekiele 43:7

Na pati mai loa a ia kiate au : Vosa o le tagata, ko leinei le ganea o loku ekeekeaga fakasau, le ganea leia e kau teki ai loa oku taga vae ; e kau nofo loa i ai o lee gato i loto malie o fanau o Iselaele. E leaise toe fakakelekele loa e le fale o Iselaele mo ona sau loku suafa maokioki ki alatou nea fakalialia mo mate o olatou sau i olatou ganea taualuga.

Esekiele 6:13

Ti e kotou iloa loa ko au ko le Eteleno, Mo ka e lotou tio loa ki olatou mate kua laku i mua o olatou taulaatua, I tafatafa o olatou aletale, I aluga o ganea taualuga fuli, i tumutumu fuli o mauga, I lalo o laakau sesega fuli, i lalo o sene fuli e laulau, I ganea ala na lotou momoli ai ni kaloni manogi Ki olatou taulaatua fuli.

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Levitiko 20:23

Aua na kotou mulimuli loa ki aga o puleaga ala ka kau kapu ia loa i okoutou mua ; talie kua fai e puleaga ana ni aga fakalialia, o tupu ai laku fakalialia kia latou.

Levitiko 26:11

E kau fakatuu loa loku nofoaga i loto malie o koutou, ti e leaise vesia loa loku laumalie kia koutou.

Levitiko 26:15

Ti kapau e kotou tiaki loa aku fakatotonu, ti kapau e vesia loa okoutou laumalie ki aku fakatotonu, o leaise kotou mulimuli loa ki aku folafola fuli ti e kotou motusi loa laku sai,

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Tetelonome 32:19

Na tio loa le Eteleno ki le nea lena, ti na logoi loa e ia le vesia, O tupu kua gologolo kiate ia ona vosa mo ona taineliki.