Levitiko 26:26 - Tosi Tapu

²⁶ E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Levitiko 26:26 ပူးပေါင်းရင်းမြစ်များ

Lua tosi o Sau 6:25

Na to loa se oge lasi ai i Samalia ; na mailoga loa le veli o le tapotapono o Samalia e le kau Silia, na totogi loa le ulu o le asino ki fa paaga e kau valu, ti ko le vaeluai kilo o faikauga o lupe ki fa paaga e lima.

Pesalemo 105:16

Na kalagai loa e ia le oge ki le fenua, Na tuuti loa e ia le pane.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Esaia 5:10

Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Esaia 9:20

E kai e Manase a Efalaimi, ti e kai e Efalaimi a Manase, Ti e la oso fakatasi o kai a Suta. Kae logo ai nea fuli ana, e leaise makona aifai le sausau o le Eteleno, Kae koi falo aifai lona lima.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Esekiele 14:13

Vosa o le tagata, kapau kua agasala mai kiate au se fenua, o tausi ki taulaatua, ti kapau na kau falo loku lima kiate ia, ti kapau na kau fatii le laakau o le pane kiate ia, ti kapau na kau kakau le oge kiate ia, ti kapau na kau tuuti iate ia a tagata mo manu,

Esekiele 4:10

Ko le nea kai leia e ke kai loa ko fa sikele e kau lua i le aso ; e ke kai fakavaevae loa a ia i le aso katoa.

Esekiele 4:16

Na toe pati mai a ia kiate au : Vosa o le tagata, ka kau fatii loa le laakau o le pane i Selusalemi ; e lotou kai loa le pane kua fuafua i le mamae, ti e lotou inu loa le vai kua fuafua i le mamae.

Esekiele 4:17

Talie e lotou mativa loa i le pane mo le vai, ti e lotou fetioaki noa loa i le i, ti e lotou masasaki loa o tupu ko alatou agasala.

Esekiele 5:16

E kau laku loa kia latou a gasau veveli o le oge, ala e soli ia le mate, ala e kau kakau ia mai loa ke maumaui ia koutou ; talie e kau toe tuku loa le oge ke fakalasi ai okoutou mamae, ti e kau fatii loa kia koutou le laakau o le pane.

Oseo 4:10

E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Levitiko 26:27

Ti kapau i le nea lena, e leaise kotou fakalogo aifai kiate au, kae e kotou soko atu aifai lakoutou fakatutuu mai kiate au :

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.