Levitiko 26:25 - Tosi Tapu

²⁵ E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Levitiko 26:25 ပူးပေါင်းရင်းမြစ်များ

Lua tosi a Samuele 24:15

Na tuku loa e le Eteleno ki Iselaele le taumasaki, mei le usu o kaku ki le temi leia na fakatuutuu ki ai ; mei Tane ki Peele-Sepa, na mamate loa le tino fitu afe tagata i le kakai.

Uluaki tosi o Sau 8:33

Ka tamate loa lou kakai ko Iselaele e le fili, o tupu kua lotou agasala kiate koe, kapau e lotou toe liliu mai loa kiate koe o toe fakakololia ki lou suafa, ti kapau e lotou toe fai loa kiate koe ni kole mo ni tagi i le fale tapu leinei,

Uluaki tosi o Sau 8:37

Kapau e to loa ki le fenua leinei se oge, pe ko se taumasaki veli, pe ko se masunu lasi o faisaga, pe ko se fakapapala o magiti, pe ko se maumau a seseivaka mo sulufe, ti kapau e takatakai loa e le fili lou kakai i lona fenua, i ona matapa, ti ka soko loa ni malaia mo masaki kesekese,

Lua tosi o Sau 17:3

Na pale ake loa Salemanasale, sau o Asilia, o taui a ia ; ti na popula loa Ose kiate ia, o totogi loa se tukusau ki le sau o Asilia.

Lua tosi o Koloniko 24:24

Na lavaki fua le solia a le kau Silia ; kae logo ai lolatou lavaki, na tuku loa e le Eteleno ki olatou lima se solia toka api ai, o tupu na lotou tiaki le Eteleno, le Atua o olatou tamana. Ti na fakasoko loa e le kau Silia le fakamaaui a le Atua kia Soasi.

Pesalemo 94:1

Ei Eteleno ko le Atua, a au le totogi ! Ei Atua, a au le totogi ! Ke ke sa mai !

Ekesote 5:3

Na la pati loa : Kua sa mai le Atua o le kau Epeleo kia maua. Fakataga mai ke motou fai ni aso saele e tolu i le toafa, ti ke motou momoli ni sakilifisio ki le Eteleno, o tupu ke aua na tautea e ia matou ki le taumasaki mo le seleta.

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 24:10

E kau kakau loa kia latou le seleta, mo le oge, mo le taumasaki, o kaku ki lolatou puli i le fenua leia na kau soli kia latou mo olatou tamana.

Selemia 50:28

Kotou fakalogo ki tagi a latou ala e sosola, a latou ala e sosola i le fenua o Papilone, O fakasa i Sione le lagavaka a le Eteleno, lotatou Atua, Mo le lagavaka o lona fale tapu !

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Esekiele 14:17

Ti kapau na kau aumai loa le seleta ki le fenua leinei, ti kapau na kau pati loa : Ke ano le seleta i le fenua ! Ti kapau na kau tuuti loa i ai a tagata mo manu,

Esekiele 20:37

E kau fakamaua loa koutou ke kotou saele i laku laakau, ti e kau tuku loa koutou ki va o le sai.

Esekiele 29:8

Koia e folafola ai le Aliki, le Eteleno, o pati : Ko leinei e kau aumai loa kiate koe le seleta, Ti e kau tuuti loa iate koe a tagata mo manu.

Esekiele 33:2

Vosa o le tagata, masau ki fanau o lou kakai, o pati kia latou : Ka kau aumai loa le seleta ki se fenua, ti e filifili loa e le kakai o le fenua lena se tagata i loto malie o ona, o fakanofo a ia ko se tagata leo,

Esekiele 5:17

E kau kakau loa kia koutou le oge mo manu fekai, ala e tamate ia loa akoutou fanau ; e ano loa le masaki mo le toto i loto malie o ou ; ti e kau kakau mai loa kiate koe le seleta. Ko au, le Eteleno, leia e folafola.

Esekiele 6:3

E ke pati loa : Mauga o Iselaele, Kotou fakalogo mai ki le folafola a le Aliki, le Eteleno ! Ko leinei le folafola a le Aliki, le Eteleno, Ki mauga lalasi mo mauga liliki, ki vanu mo vaivailiua : Ko leinei e kau kakau mai loa le seleta kia koutou, Ti e kau maumaui loa okoutou ganea taualuga.

Oseo 11:6

E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Levitiko 26:6

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Apakuki 3:5

I ona mua e saele ai le taumasaki, Ti e muli iate ia le taumasaki.

Numelo 14:12

E kau tautea loa a ia ki se masaki veli, ti e kau maumaui loa a ia ; kae e kau fai loa kiate koe se puleaga leia e lasi ake loa mo makeke ake loa iate ia.

Numelo 16:49

Ko latou ala na mamate i le malaia lena ko le tino agafulu tupu fa afe tino lelau fitu (14 700), na leaise lau i ai latou ala na mamate o tupu ko Kole.

Numelo 31:3

Na masau loa Moisese ki le kakai, o pati : Ke too e ni tagata o koutou alatou masafu ti ke lotou ano o tau ki le kau Matiane, o fai kia latou le totogi leia na fakatotonu e le Eteleno kia latou.

Luka 21:11

e soko loa ni mafuike lalasi, mo ni oge, ti mo ni taumasaki lalasi, i potu kesekese ; ti e sa loa mei le lagi ni nea fakaii ti mo ni fakamailoga lalasi.

Tetelonome 28:21

E sai loa e le Eteleno kiate koe le masaki veli, o kaku ki lou puli i le fenua leia e ke ulu loa ki ai o maua tofiga.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Tetelonome 32:41

Kapau e kau fakakakai ke gigila laku seleta, Ti kapau e too e loku lima le faitotonu, E kau lagavaka loa ki oku fili, Ti e kau tautea loa latou ala e vesia kiate au.

Tuifakamaau 15:11

Ti na ano loa ni kau tagata o Suta e tino afe tolu ki le ana o le utu ko Etami, o pati kia Samisoni : Pe leaise ke iloa e pule le kau Filisitini kia tatou ? Pe leaise ke tio ki le veli leia na ke aga o fai kia tatou ? Na tali loa a ia kia latou : Na kau fai kia latou le nea leia na lotou aga o fai kiate au.