Levitiko 26:22 - Tosi Tapu

²² E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Levitiko 26:22 ပူးပေါင်းရင်းမြစ်များ

Lua tosi o Sau 17:25

I le kamataaga o lalatou nofo i ai, na leaise lotou i fua ki le Eteleno, ti na kakau mai loa e le Eteleno kia latou ni laione ala na tamate ia latou.

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Lua tosi o Koloniko 15:5

I temi ana, na leaise maua se fimalie e leia e ulu ki fafo mo leia e ulu ki loto, talie na i ai ni maveuveu lalasi i le kakai o le fenua ;

Esaia 24:6

Koia kua kai le fenua e le malaia, Ti kua amo e lona kakai le tua o alatou agasala ; Koia e mamate ai a kakai o le fenua, Kae toe fua se ga toka teiki.

Esaia 33:8

Kua lavaki a ala lalasi ; E leaise koi ano i ala liliki. Kua maumaui e ia le sai, kua vesia a ia ki kolo, E leaise maua e ia se fakaapaapa ki se tasi.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Tagi laulau a Selemia 1:4

Kua tagi a ala fuli o Sione, talie e leaise koi ano ki aso lalasi ; Kua lavaki ona matapa fuli, Kua lauga ona tagata faisakilifisio, Kua loto gaegae ona taine taupoou, Ti kua apele i le mamae kona.

Esekiele 14:15

Kapau na kau tuku loa ke taka ni manu fekai i le fenua, o maumaui a ia, ti kapau na liliu loa a ia ko se toafa leia na leaise toe ano ai loa se tagata o tupu ko manu fekai ana,

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Esekiele 5:17

E kau kakau loa kia koutou le oge mo manu fekai, ala e tamate ia loa akoutou fanau ; e ano loa le masaki mo le toto i loto malie o ou ; ti e kau kakau mai loa kiate koe le seleta. Ko au, le Eteleno, leia e folafola.

Levitiko 26:6

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Tetelonome 32:24

E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.

Tuifakamaau 5:6

I le temi o Samika, vosa o Anate, I le temi o Saele, na lavaki a ala, Ti na ano a kakai fanoga i ni ala pikopiko.