Levitiko 26:19 - Tosi Tapu

¹⁹ E kau fatii loa lokoutou loto lasi : e kau fakaliliu loa le lagi i okoutou aluga ke fefeka ofaipe le ukamea, ti e leaise toe to loa se ua ki okoutou kele, ala e fefeka loa ofaipe le sila.

Levitiko 26:19 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 8:35

Kapau e tapono loa le lagi, ti e leaise toe to loa se ua, o tupu ko alatou agasala kiate koe, kapau e lotou faikole loa i le ganea leinei mo fakavikiviki ki lou suafa, ti kapau e lotou tafoki loa mei alatou agasala, talie na ke tautea loa latou,

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 25:11

I loto o le popoko lena, e falo e ia ona lima, Ofaipe se tasi leia e kakau ; Kae e taai loa e le Eteleno ki lalo lona fia nealasi, Ti e maumaui loa e ia a gaoi kaka o ona lima.

Esaia 26:5

Na fakaifo e ia ki lalo latou ala na nonofo i ganea taualuga, Na tuku e ia ki lalo le kolo fia nealasi, Na peesi e ia a ia ki le kele, Na fakasogi e ia a ia ki le efu.

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Selemia 13:9

E folafola le Eteleno, o pati : E kau maumaui feneeki loa le fia nealasi o Suta Ti mo le laukau lasi o Selusalemi.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 30:6

Koia e folafola ai le Eteleno, o pati : E lotou vivilo loa, latou ala e tokoi ki Esipito, Ti e tuku loa ki lalo le fia nealasi o lona makeke ; Mei Miketoli o kaku ki Siene e lotou vivilo loa i le seleta, E pati le Aliki, le Eteleno.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Esekiele 7:24

E kau aumai loa a kakai agaveli ake i kakai fuli, O tupu ke lotou too olatou fale ; E kau fakagato loa le fia nealasi o le kau makeke, Ti e fakakelekele loa olatou sagatualio.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Luka 4:25

E kau fakasa maoki atu kia koutou, na toka api a fafine lokonui i Iselaele i le temi o Elia, i le lakaga leia na mapono ai le lagi i fetuu e tolu mo masina e ono ti na to ai se oge lasi i le fenua katoa ;

Tetelonome 11:17

E tupu loa i ai le sausau o le Eteleno kia koutou ; e tapono loa e ia le lagi, ti e leaise toe to loa se ua ; e leaise toe soli loa e le kele ona fua, ti e kotou mamate vave loa i le fenua malie leia e soli atu loa kia koutou e le Eteleno.

Tetelonome 28:23

E fai loa le lagi i aluga o lou ulu pe le kapa, ti e fai loa le kele i lalo o ou vae pe le ukamea.

Uluaki tosi a Samuele 4:11

Na too loa le aleka o le Atua e le kau Filisitini, ti na mamate loa a vosa e lua o Eli ko Ofeni mo Finesi.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.