Levitiko 26:17 - Tosi Tapu

¹⁷ E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:17 ပူးပေါင်းရင်းမြစ်များ

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Uluaki tosi o Sau 8:33

Ka tamate loa lou kakai ko Iselaele e le fili, o tupu kua lotou agasala kiate koe, kapau e lotou toe liliu mai loa kiate koe o toe fakakololia ki lou suafa, ti kapau e lotou toe fai loa kiate koe ni kole mo ni tagi i le fale tapu leinei,

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Pesalemo 44:10

Kae ko leinei, e ke tekei matou, e ke fakaapele matou i le luma, E leaise koi ke ano o tau mo amatou kau solia.

Pesalemo 53:5

Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

Pesalemo 53:6

Koia e lotou lulu ai loa i le i, Kae e leaise fakaii latou e se nea ; E veteki loa e le Atua a ivi o latou ala e tau kiate koe ; E ke fakaluma loa latou, talie kua tiaki latou e le Atua.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 30:17

E sola loa se tino afe i le fakaii a se fa toka tasi, Ti e kotou fesolaki loa i le fakaii a se toka lima, O kaku ki lokotou nonofo taki toka tasi Ofaipe se fakamailoga i le tumutumu o le mauga, Ofaipe se manumanu i le tumutumu o le mauga ikiiki.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 44:11

Koia e folafola le Eteleno o kau tau, le Atua o Iselaele, o pati : Ko leinei, e tio fakaagatonu oku mata kia koutou, ke kau fai kia koutou se nea veli, ti ke kau motusi a Suta katoa.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Tagi laulau a Selemia 2:4

Na toso e ia lana kalolo ofaipe ki se fili ; Na siki lona lima atamai ki aluga ofaipe le lima o le fili ; Na tamate e ia a nea fuli e fulumalie ki le mata ; Na liligi e ia lona sausau ofaipe se afi ki le falela o le taine o Sione.

Esekiele 15:7

E kau fakaaga loa oku mata kia latou. Na lotou sao i se afi, kae e tutu loa latou e se tasi a afi. Ti e kotou iloa loa ko au ko le Eteleno, Mo ka kau fakaaga loa oku mata kia latou.

Levitiko 17:10

Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Sosue 7:4

Na pale loa ki Ai ni kau tagata e tino afe tolu o le kakai, kae na lotou sosola loa i mua o le kakai o Ai.

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 3:14

Ti na popula loa a fanau a Iselaele kia Ekeloni, sau o Moape, i le lolotoga o fetuu e kau agafulu tupu valu.

Tuifakamaau 3:8

Na malaga loa le ita o le Eteleno ki Iselaele, ti na fakatau loa e ia latou ki lima o Kusani-Liseataimi, sau o Mesopotamia. Na popula loa fanau a Iselaele, na lotou popula loa kia Kusani-Liseataimi i le lolotoga o fetuu e valu.

Tuifakamaau 6:2

Na makeke loa le lima o Matiane ki Iselaele. O tupu ko Matiane, na fai loa e fanau a Iselaele ni pu i lalo o mauga, ti mo ni ana i potu fakakilakila o mauga.

Uluaki tosi a Samuele 12:15

Kae kapau e leaise kotou fakalogo loa ki le leo o le Eteleno, ti kapau e kotou fakatutuu loa ki le folafola a le Eteleno, e siki loa le lima o le Eteleno kia koutou, ofaipe lana siki a ia ki okoutou tamana.

Uluaki tosi a Samuele 31:1

Na taui loa Iselaele e le kau Filisitini, ti na sosola loa a tagata o Iselaele i mua o le kau Filisitini, ti na lotou vivilo loa o mamate i le mauga o Kilipoa.

Uluaki tosi a Samuele 4:10

Na tau loa le kau Filisitini ki Iselaele, ti na lava loa Iselaele. Na tasi sola loa le tagata ki lona falela. Na veli ai le lava, ti na vilo loa i Iselaele le tino tolu afe tagata solia ala na saele lalo.