Levitiko 26:16 - Tosi Tapu

¹⁶ ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Levitiko 26:16 ပူးပေါင်းရင်းမြစ်များ

Uluaki tosi o Sau 8:37

Kapau e to loa ki le fenua leinei se oge, pe ko se taumasaki veli, pe ko se masunu lasi o faisaga, pe ko se fakapapala o magiti, pe ko se maumau a seseivaka mo sulufe, ti kapau e takatakai loa e le fili lou kakai i lona fenua, i ona matapa, ti ka soko loa ni malaia mo masaki kesekese,

Sopo 18:11

E fakatasi ni nea fakaii kiate ia, Ti e lotou takatakai a ia, mo tuli a ia.

Sopo 20:25

E tatai e ia le gasau gigila i lona tua, leia e fakalaka loa i lona ate ; Ti e vilo fakapunamauli loa kiate ia a fakaii o le mate.

Sopo 31:8

Ke kau muluki ti ke utu e se tasi, Ti ke taaki oku uli i le kele !

Pesalemo 109:6

Ke ke tuku latou ki le pule a se tagata agaveli, Ti ke tuu Satana i lona fetuu atamai !

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Pesalemo 78:33

Na fakaoki loa e ia olatou aso i le nea vaiga, Ti mo olatou fetuu i le mamae.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 7:2

Na fakasa loa ki le fale o Tavite : Kua fakatuu le nofolaga tau o le kau Silia i Efalaimi. Ti na lulu loa le loto o Akasi mo lona kakai ofaipe le lu o laakau o le vao e le matagi.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 15:8

Kua lasi ake ona lokonui i fiti o le one o le tai ; E kau aumai kia latou, ki le tinana o le tagata tupulaga, Le tagata maumau i le lalatea totonu ; E kau fakavilo fakafokifa kiate ia le i mo le lulu.

Selemia 20:4

Talie E folafola le Eteleno, o pati : E kau tuku loa a koe ki le mamae, a koe mo ou kaukau nea fuli ; e lotou mamate loa i le seleta o olatou fili, ti e tio tonu loa ou mata ki ai. E kau tuku foki mo Suta katoa ki lima o le sau o Papilone, ala e ave popula ia loa latou ki Papilone, ti e tamate loa e ia latou ki le seleta.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Esekiele 24:23

ti e kotou sai loa okoutou ulu, ti e kotou tui loa okoutou taka ; e leaise kotou tagi laulau loa ti e leaise kotou tagi loa ; kae e kotou gaegae loa o tupu ko akoutou agasala, ti e kotou mamae loa.

Esekiele 33:10

Ti ko koe, vosa o le tagata, pati ki le fale o Iselaele : E kotou pati : Kua vilo kia matou amatou agaveli mo amatou agasala, koia leia kua motou gaegae ai ; pe feaki loa lamatou toe mauli ?

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Mikea 6:15

E ke muluki loa, kae e leaise ke tau ia loa, E ke tatau loa a fua o le oliveto, Kae e leaise ke fai loa ni pani ki le lolo ; E ke tatau loa a fua o le vite, kae e leaise ke inu loa ki se vino.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Sakalia 14:12

Ko leinei le malaia leia e taai loa ki ai e le Eteleno a kakai fuli Ala na tau loa ki Selusalemi. E pala loa olatou tino kae koi lotou tutuu i olatou vae, Ti e maluluku loa i le pala olatou mata i olatou pokoi mata, Ti e vilo loa i le pala lolatou alelo i lolatou gutu.

Malakia 2:3

Ko leinei, e kau maumaui loa akoutou pulapula, Ti e kau laku loa ki okoutou mata ni faikauga, A faikauga o manu ala e kotou momoli i akoutou sakilifisio, Ti e ave loa koutou mo latou.

Tetelonome 28:51

E kai loa e ia le fua o lau kau ovi mo le fua o lou kele o kaku ki lou maumaui ; e leaise tuku atu loa e ia kiate koe se fulumeto, pe ko se vino foou, pe ko se lolo, pe ko se uviki pipi, pe ko se uviki ovi, pe ko se uviki koti, o kaku ki lana maumaui a koe.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Epelo 10:31

Ko se nea fakaii ai le vilo ki lima o le Atua mauli.

Tuifakamaau 6:11

Ti na au loa le aselo o le Eteleno, ti na tonatona loa a ia i lalo o le sene o Ofala, leia e tuu i le kele o Soasi, mei le faasiga o Apiesele. Na sasa loa e Seteone, vosa o Soasi, le fulumeto i loto o le fa tane tanaki vino, o tupu ke aua na iloa e Matiane.

Uluaki tosi a Samuele 2:33

E kau tuku loa ke mauli i tafa o loku aletale se tasi o lou fale, ke fakakivi ai ou mata mo fakamamae ai lou laumalie ; kae ko latou fuli ala e tupu loa i lou fale, e mamate loa koi lolotoga.