Levitiko 26:15 - Tosi Tapu

¹⁵ Ti kapau e kotou tiaki loa aku fakatotonu, ti kapau e vesia loa okoutou laumalie ki aku fakatotonu, o leaise kotou mulimuli loa ki aku folafola fuli ti e kotou motusi loa laku sai,

Levitiko 26:15 ပူးပေါင်းရင်းမြစ်များ

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 50:17

E koe leia e vesia ki manatu, Ti e tiaki ia aku folafola ki ou muli !

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 24:7

Na too loa e ia le tosi o le sai o lau i mua o le kakai ; ti na lotou pati loa : E motou fai loa a nea fuli ala kua pati ki ai le Eteleno, ti e motou fakalogo loa ki ana folafola.

Taagapati 1:30

O tupu na leaise lotou manako ki aku tokoi, Ti na lotou fakanoa aku valoki fuli,

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Taagapati 5:12

O ke pati : Oiau, kolea na kau vesia ai ki le akonaki, Ti kolea na leaise tokaga ai loku loto ki le valoki ?

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Esekiele 16:59

Talie e folafola le Aliki, le Eteleno, o pati : E kau fai loa kiate koe o mulimuli ki le nea leia na ke fai, a koe leia na nukinuki ki le fakapapau o motusi le sai.

Levitiko 26:11

E kau fakatuu loa loku nofoaga i loto malie o koutou, ti e leaise vesia loa loku laumalie kia koutou.

Levitiko 26:43

I le temi leia e lotou puli ai loa i le fenua, e malolo loa le fenua. I le temi lena, e lotou totogi ai loa le tua o alatou agaveli, talie na lotou tiaki aku fakatotonu ti na vesia olatou laumalie ki aku lao.

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Numelo 15:31

Kua nukinuki a ia ki le folafola a le Eteleno, ti kua maumaui e ia lana fakatotonu : kua tuuti e le tagata lena a ia totonu mei lona kakai, ti e amo loa e ia le tua o lana agasala.

Gaoi 13:41

Kotou tio, koutou kau fia matasoka, Kotou punamauli ti kotou pupuli ; Talie e kau fai loa i okoutou aso se gaoi, Se gaoi leia e leaise kotou tui loa ki ai mo ka fakamatala atu loa a ia kia koutou.

Loma 8:7

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Epelo 8:9

O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.

Uluaki tosi a Samuele 12:15

Kae kapau e leaise kotou fakalogo loa ki le leo o le Eteleno, ti kapau e kotou fakatutuu loa ki le folafola a le Eteleno, e siki loa le lima o le Eteleno kia koutou, ofaipe lana siki a ia ki okoutou tamana.