Levitiko 26:14 - Tosi Tapu

¹⁴ Kae kapau e leaise kotou fakalogo loa kiate au, ti kapau e leaise kotou mulimuli loa ki aku folafola fuli,

Levitiko 26:14 ပူးပေါင်းရင်းမြစ်များ

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Lua tosi o Koloniko 34:24

Ko leinei le folafola a le Eteleno : Ka kau fakavilo ia loa ni malaia ki le ganea leinei mo lona kakai, a malaia fuli ala e tuu i le tosi leia na lau i mua o le sau o Suta.

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Selemia 11:8

Kae na leaise lotou fakalogo, Na leaise tokaga olatou taliga, Na lotou tasi mulimuli ki oli o lolatou loto veli ; Koia na kau fakasoko ai kia latou a kupu fuli o le sai leinei, Leia na kau fakatotonu ke lotou tausi, ti na leaise lotou tausi.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 26:4

E ke pati loa kia latou : E folafola le Eteleno, o pati : Kapau e leaise kotou fakalogo i le temi leia e kau fakatotonu atu ai kia koutou ke mulimuli i laku lao leia na kau tuku ki okoutou mua,

Selemia 28:8

Ko le kau polofeta leia na muamua iate au mo koe, talu mei temi afea, na kikite ki ni fenua makeke mo ni puleaga lalasi, o fakasa le tau, mo le malaia, mo le taumasaki ;

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Selemia 40:2

Na fakatotonu loa e le pule o tagata leo ke afa mai Selemia kiate ia, ti na pati loa a ia kiate ia : Na fakasa e le Eteleno, lou Atua, a malaia anei ki le ganea leinei.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Taniela 9:13

Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Oseo 7:12

Kapau e lotou ano, e kau fola loa loku kupega kia latou ; E kau laku loa latou ki le kele ofaipe manu lele o le lagi ; E kau tautea loa latou o mulimuli ki le nea leia na fakasa i lalatou fakatasiga.

Levitiko 26:18

Ti kapau e logo ai le nea lena, e leaise kotou fakalogo aifai kiate au, e kau toe liuga loa o tua fitu le tautea o lakoutou agasala.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Gaoi 3:23

ti ko leia e leaise fakalogo loa ki le polofeta lena, e motusi loa a ia mei lotomalie o lona kakai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.

Tuifakamaau 2:15

I temi fuli ala na lotou ano ai o tau, na fakafesagai loa le lima o le Eteleno kia latou, o fai kia latou se nea veli, o mulimuli ki le nea leia na fakasa e le Eteleno kia latou, o mulimuli ki le nea leia na fakapapau e le Eteleno kia latou. Ti na lotou nonofo loa i se mamae lasi ai.

Uluaki tosi a Samuele 12:15

Kae kapau e leaise kotou fakalogo loa ki le leo o le Eteleno, ti kapau e kotou fakatutuu loa ki le folafola a le Eteleno, e siki loa le lima o le Eteleno kia koutou, ofaipe lana siki a ia ki okoutou tamana.