Levitiko 26:1 - Tosi Tapu

¹ Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Levitiko 26:1 ပူးပေါင်းရင်းမြစ်များ

Lua tosi o Sau 17:10

Na lotou fakatuu loa kia latou ni fakatata mo ni taulaatua i mauga liliki fuli ti mo lalo o laakau sesega fuli.

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Lua tosi o Sau 17:8

Na lotou muli loa i agai fenua a puleaga ala na kapu e le Eteleno i mua o fanau a Iselaele, ti mo agai fenua ala na fakatupu e sau o Iselaele.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Ekesote 34:17

E leaise ke fai loa kiate koe se atua ki se ukamea kua saka.

Esaia 2:20

I le aso lena, e tiaki loa e tagata Olatou taulaatua siliva mo olatou taulaatua aulo, Ala na lotou fau ke lotou atolasio ki ai, ki kimoa mo pekapeka ;

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Levitiko 25:55

Talie ko le kakai o Iselaele ko aku tagata fakasausau latou ; ko aku tagata fakasausau ala na kau fakamavae mei le fenua o Esipito. Ko au ko le Eteleno, ko lokoutou Atua.

Levitiko 7:33

Talie ko le alaga mua atamai ko le vaega a ia leia e tonu ke soli ki le vosa o Alone leia e momoli ia le toto mo le gako o le sakilifisio komunio.

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 5:6

Ko au ko le Eteleno, lou Atua, leia na fakamavae ia a koe mei le fenua o Esipito, leia na ke popula ai.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Tuifakamaau 18:30

Na fakatuu loa e vosa o Tane le fakatata ta leia na fai e Mika, ke liliu ko lolatou atua. Ti ko Sonata, vosa o Kelesoni, vosa o Manase, a ia mo ona vosa, na liliu loa ko tagata faisakilifisio ki le faasiga o Tane, o kaku ki le temi leia na ave ai loa le kakai o fakapopula.