Levitiko 25:9 - Tosi Tapu

⁹ I le aso kau agafulu o le masina fitu, e ke fakatatagi loa le leo makeke o le fakatagi pupusi ; i le aso lasi o le fakamalie, e kotou pupusi loa le fakatagi pupusi i le fenua katoa.

Levitiko 25:9 ပူးပေါင်းရင်းမြစ်များ

Pesalemo 89:15

Ko le faitotonu mo le maokioki ko le fakavae o lou ekeekeaga fakasau. E tutuu le agamalie mo le agatonu i ou mua.

Pesalemo 89:16

Manuia le kakai leia e iloa ia le leo o lau fakatagi pupusi ; E saele a ia i le malama o ou mata, ei Eteleno !

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Levitiko 16:20

Ka oki loa le fai e Alone o le fakamalie ki le sagatualio, mo le falela tapu, ti mo le aletale, e fakafeofi ake loa e ia le koti tagata mauli.

Levitiko 16:29

Ko le lao leinei e kotou tausi loa o lee gato : i le aso kau agafulu o le masina fitu, e kotou sesunio loa, ti aua na kotou fai loa se gaoi fua e tasi, e koutou mo le tagata totonu o le fenua, ti mo le matapule leia e nofo mo koutou.

Levitiko 16:30

Talie i le aso a ia e fai ai loa le fakamalie kia koutou, o tupu ke fakamea ai koutou : e kotou fakamea loa i akoutou agasala i mua o le Eteleno.

Levitiko 23:24

Masau ki fanau a Iselaele, o pati kia latou : I le fitu o masina, i le uluaki aso o le masina, e kotou taupau loa se aso malolo, leia e fakasa loa ki ni fakatagi pupusi, ti e kotou fai loa se fakatasi tapu.

Levitiko 23:27

Ko le aso kau agafulu o le fitu o masina, ko le aso lasi loa a ia o le fakamalie : E kotou fai loa se fakatasi tapu, ti e kotou sesunio loa, ti e kotou momoli loa ki le Eteleno ni sakilifisio tutu e le afi.

Levitiko 25:8

E ke lau loa ni fetuu sapato e fitu, o liuga fitu a fetuu e fitu, ko lona katoa ko fetuu e kau fa tupu iva.

Levitiko 27:17

Ti kapau e fakatapui loa le faisaga i le fetuu totonu o le supileo, e katoa loa le totogi.

Levitiko 27:24

Kae i le fetuu o le supileo, e toe liliu loa le faisaga ki le tagata uluaki, ki leia na maua tofiga ia a ia.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Numelo 36:4

Ti e kaku loa ki le aso o le Supileo, e maua oki loa lolatou vaega e lolatou faasiga foou.

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Uluaki tosi ki le kau Tesalonika 1:8

Koia na leaise mafola fua le folafola a le Aliki meia koutou ki Masetonia mo Akaia, kae kua logo lakoutou tui ki le Atua i ganea fuli foki, o leaise toe aoga ke motou masau ki ai.

Sosue 6:4

E ano loa a tagata faisakilifisio e toka fitu mo ni fakatagi pupusi, ko tagata e fitu i mua o le aleka. I le fitu o aso, ke kotou fai loa le foli takatakai o le kolo o tua fitu, ti ke pupusi loa e tagata faisakilifisio a fakatagi pupusi.