Levitiko 25:2 - Tosi Tapu

² Masau ki vosa o Iselaele, ti ke pati loa kia latou : Ka kotou ulu loa ki le fenua leia e kau soli loa kia koutou, e malolo loa le kele : ko se sapato loa a ia ki le Eteleno.

Levitiko 25:2 ပူးပေါင်းရင်းမြစ်များ

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Pesalemo 115:16

Ko le atu lagi ko le atu lagi a le Eteleno, Kae na soli e ia le kele ki vosa o le tagata.

Ekesote 23:10

Lolotoga fetuu e ono, e ke to loa le kele, ti e ke tanaki loa ona fua.

Esaia 8:8

E ulu loa a ia ki Suta, e tafe loa a ia ki tafa, o fakalofia a nea fuli, Ti e kaku loa a ia ki le ua. E folasi loa e ia ona kapakau O fakaapele lou fenua katoa, ei Emanuele !

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Levitiko 14:34

Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Levitiko 23:32

Ko se sapato loa a ia kia koutou, ko se aso malolo, ti e kotou sesunio loa. Mei le afiafi o le iva o aso o kaku ki le afiafi o le apogipogi, e kotou fai loa lokoutou sapato.

Levitiko 25:1

Na masau loa le Eteleno kia Moisese i le mauga o Sinai, o pati :

Levitiko 25:3

I fetuu e ono e ke to loa lau faisaga, i fetuu e ono e ke koti loa lau vite ; ti e ke tau loa le fua.

Tetelonome 32:49

Ke ke pale ki le mauga o Apalimi, i le tumutumu o le mauga ko Nepo, i le fenua o Moape, i mua o Seliko ; ti ke tio loa ki le fenua o Kanaane leia ka kau soli loa ke maua tofiga e fanau a Iselaele.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.