Levitiko 24:9 - Tosi Tapu

⁹ E maua loa a pane e Alone mo ona vosa, ti e lotou kai loa latou i se ganea tapu ; talie ko se nea maokioki a ia kia latou, ko se vaega a ia o moliga tutu i mua o le Eteleno. Ko se lao a ia ke tuku sosolo.

Levitiko 24:9 ပူးပေါင်းရင်းမြစ်များ

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Levitiko 10:12

Na pati loa Moisese kia Alone, mo ona vosa ko Eleasale mo Itamale, ala koi mauuli : kotou too loa le nea leia na toe i le moliga falina mo ka kua oki i le vaei kese le nea leia e tonu ke tutu e le afi i mua o le Eteleno, ti kotou fai loa ki ai ni pane sala fakatupu, ti kotou kai loa latou o ofi i le aletale ; talie ko se nea kai maokioki lasi a ia.

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Levitiko 21:22

E feala loa ke kai e ia le nea kai o lona Atua, ni nea maokioki lasi mo ni nea tapu.

Levitiko 24:10

Ko le vosa o se fafine Iselaele mo se tagata Esipito, leia na au ki loto malie o fanau a Iselaele, na fefele loa i le nofolaga mo se tagata o Iselaele.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Levitiko 6:11

E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.

Levitiko 6:16

Talie ko moliga nea kai fuli ala e fai e se tagata faisakilifisio e tutu katoa loa e le afi : e leaise kai loa latou.

Levitiko 6:9

E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu.

Levitiko 8:3

Ti toe fakatasi ake foki ki le ganea lena le kakai katoa o Iselaele.

Levitiko 8:31

Ti na pati loa Moisese kia Alone mo ona vosa : kotou fakamoso le kanomate o le lua ovi tagata i le uluaga o le falela tapu, talie ko lena le ganea leia e tonu loa ke kotou kai ai a ia, mo le pane leia na tuku i le kete leia na teuteui ki le fakanofo, o mulimuli ki le nea leia na kau fakatotonu atu kia koutou, o pati : e kai loa a ia e Alone mo ona vosa.

Malakia 1:12

Kae ko koutou, e kotou fakakelekele loku suafa, O kotou pati : E kelekele le laupapa o le Eteleno, Ti ko le nea leia e maua i ai ko se nea kai veli.

Mateo 12:4

pe na feaki lana ulu ki le fale o le Atua o kai a pane taputapu, ala na leaise taga fua ke kai e ia, pe ko latou ala na nonofo mo ia, kae na gato fai ki le kau tagata faisakilifisio ?

Maleko 2:26

pe na feaki lana ulu ki le fale o le Atua, i le temi o le tagata faisakilifisio ko Apiatale, o kai a pane o moliga, ala na leaise taga ke kai e se tagata, gato fai ki le kau tagata faisakilifisio, ti na toe soli foki e ia kia latou ala na nonofo mo ia !

Luka 6:4

pe na feaki lana ulu ki le fale o le Atua, o too a pane o moliga o kai, ti na toe soli foki e ia kia latou ala na nonofo mo ia ; kae na taga fai ki le kau tagata faisakilifisio ke kai ki ai ?

Uluaki tosi a Samuele 21:6

Ti na soli loa e le tagata faisakilifisio kia Tavite a fa pane fakatapu, talie na leaise maua ni iki ake fa pane kese i fa pane tapu, ala na too i mua o le Eteleno, ke fetogi ki ni pane foou.