Levitiko 24:8 - Tosi Tapu

⁸ I sapato fuli, e fakafoou loa a pane ana i mua o le Eteleno. Ko se fakapapau a ia ke tuku sosolo ti e tonu ke taupau e fanau a Iselaele.

Levitiko 24:8 ပူးပေါင်းရင်းမြစ်များ

Uluaki tosi o Koloniko 23:29

ki le fai o pane taputapu, ki le falina o moliga nea kai, ki fakapaku sala fakatupu, ki kato tao mo kato kesekese, ki le fua o le mamafa ti mo le fua o le loa o faasiga nea fuli ;

Uluaki tosi o Koloniko 9:32

Ti na tokaga a iki i olatou fetaina mei vosa o Keati ki le fakamoso o pane taputapu ki aso sapato taki tasi.

Lua tosi o Koloniko 13:11

E motou momoli i usu fuli mo afiafi fuli a failaulau ki le Eteleno, e motou tutu le kaloni fakamanogi, e motou teki a pane taputapu ki le laupapa mea, ti e motou tutu i afiafi fuli le tekiaga malama aulo mo ona malama ; talie e motou tausi a fakatotonu a le Eteleno, lomatou Atua. Ti ko koutou, kua kotou tiaki a ia.

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Neemia 10:33

ki le pane tapu, mo le moliga o le aso taki tasi, mo le failaulau o le sapato, mo masina foou, mo aso lalasi, ki nea taputapu, mo sakilifisio fakamolemole o agasala a Iselaele, ti mo nea fuli ala e fai i le fale o lomatou Atua.

Ekesote 25:30

E ke tuku tuumau loa i oku mua, i aluga o le laupapa, a pane taputapu.

Numelo 4:7

E lotou folasi loa se kie usi i aluga o le laupapa o pane tapu, ti e lotou teki loa ki aluga a pa, mo ipu lalasi, mo ipu loloto, ti mo kalise ki lipasio ; e tuku tuumau loa a pane i ai.

Uluaki tosi a Samuele 21:7

Na i ai, i le aso lena, se tagata i tagata fakasausau a Saulo, leia na nofo i le sagatualio o le Eteleno, o fai ona maua fakalotu ; na igoa a ia ko Toeke, ko se tagata Etome, pule o le kau taupau o manu lalasi a Saulo.