Levitiko 24:7 - Tosi Tapu

⁷ I aluga o le tuuga pane e ke teki loa se iseso mea, leia e tutu loa e le afi i mua o le Eteleno, o fetogi ia a pane, ofaipe se nea fakamanatu.

Levitiko 24:7 ပူးပေါင်းရင်းမြစ်များ

Senesi 9:16

E tuu loa le nuanua i le ao, ti e kau tio loa ki ai, ti e kau toe manatui loa le sai lee gato leia kua fai e le Atua ki nea fuli e mauli, mo nea fuli e kanofi ala e mauli i aluga o le kele.

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 17:14

Na pati loa le Eteleno kia Moisese : Tosi le nea lena i se tosi, o tupu ke tausi lona fakamanatu, ti ke fakasa kia Sosue e kau soloi loa le igoa o Amaleke i le lalo lagi.

Ekesote 28:12

E ke fakapipiki loa a fatu ana e lua ki tuauma e lua o le efote, ke fakamanatu ai a vosa o Iselaele ; ti e amo loa e Alone olatou igoa i ona tuauma i mua o le Eteleno, ofaipe se tausi alofa.

Esaia 43:23

Na leaise ke momoli mai kiate au ni akeno i ni failaulau, Ti na leaise ke fakamauiga au ki au sakilifisio ; Na leaise kau fakamakeke kiate koe ni moliga, Ti na leaise kau fakakaekae a koe ki se iseso.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 2:2

E ave loa e ia le moliga ki le kau faisakilifisio, vosa o Alone ; ti e too loa e ia ki lona lima se ga lukuga i le falina lena, leia kua fakasusu ki le lolo, mo le iseso katoa, ti e tutu loa e le tagata faisakilifisio a nea fuli ana i aluga o le aletale ofaipe se fakamanatu. Ko se moliga tutu a ia e le afi, ti ko se nea manogi malie a ia ki le Eteleno.

Levitiko 2:9

E too loa e le tagata faisakilifisio i ai le nea leia e tonu ke momoli ki le fakamanatu, kae tutu loa e ia a ia i aluga o le aletale. Ko se moliga a ia kua tutu e le afi, ti ko se nea manogi malie a ia ki le Eteleno.

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.