Levitiko 24:4 - Tosi Tapu

⁴ E fakatuutuu loa e Alone a malama i oku mua, i le tuuaga malama aulo, ke lotou ulaula sosoko i mua o le Eteleno.

Levitiko 24:4 ပူးပေါင်းရင်းမြစ်များ

Uluaki tosi o Sau 7:49

Mo le tekiaga malama aulo maga kau agafulu, leia na tuu i mua o le sagatualio, o malama lima i le fetuu atamai ti mo malama lima i le fetuu sema, mo sei laakau, mo ipu lolo, ti mo koti vavai ; na lotou aulo mea fuli.

Uluaki tosi o Koloniko 28:15

Na soli loa e ia a fuafua mo le mamafa o le fa tuuaga malama aulo katoa, mo olatou fa malama aulo ; ti mo le fuafua mo le mamafa o fa malama paaga mo olatou malama, o mulimuli ki olatou fakaaoga.

Lua tosi o Koloniko 29:7

Na lotou tapono foki a matapa o le fale tapu mo tamate ona malama, ti na leaise lotou momoli se kaloni pe ko se failaulau ki le Atua o Iselaele i le sagatualio.

Ekesote 31:8

mo le laupapa mo ona nea gaoi, mo le malama aulo mea mo ona nea gaoi fuli,

Ekesote 39:37

mo le tuuaga malama aulo magamaga, mo ona malama, mo malama kua teuteui, mo ona nea gaoi fuli, mo le lolo ki le tuuaga malama ;

Selemia 52:19

Na toe too foki e le pule o le kau leo a pesini, mo tanakiaga malala, mo ipu, mo tanakiaga mugalafu, mo fa malama, mo ipu kavei, mo kalise, le nea leia na aulo mo le nea leia na paaga.

Levitiko 24:3

E teuteui loa e Alone le tuuaga malama aulo i le falela tapu, i mua o le lito leia e tapono ia le aleka o le fakapapau, o tupu ke mu sosoko a malama mei le afiafi o kaku ki le usu i mua o le Eteleno. Ko se lao a ia ke tuku sosoko ki okoutou tautupu.

Numelo 3:31

Na tokaga loa le kau Keati ki le aleka tapu, mo le laupapa tapu, mo le tuuaga malaga, mo aletale, mo nea gaoi o le sagatualio, ti mo le lito tapono o le potu taputapu. Na lotou tokaga loa ki le tausi o nea fuli ana.

Numelo 4:9

E lotou kofu loa le tuuaga malama ki se kie usi ti mo ona nea gaoi fuli, mo ona malama, mo ona koti vavai, mo ona tanakiaga mugalafu, ti mo ona fagu lolo fuli,

Numelo 8:2

Masau kia Alone, ti ke pati loa kiate ia : ka ke fakatuutuu ia loa a fa malama, tokaga ke mu a fa malama e fitu ki mua o le tuuaga malama,

Epelo 9:2

Talie na fakatuu loa se tapenakulo. I le uluaki falela, leia na igoa ko le potu tapu, na tuu ai le tekiaga malama, mo le laupapa ti mo pane fakatapu.

Apokalipisi 1:20

Ko leinei le misitelio o fetuu e fitu ala na ke tio ki ai i loku lima atamai, ti mo tekiaga malama aulo e fitu. Ko fetuu e fitu ko aselo ana o Ekelesia e fitu, ti ko tekiaga malama e fitu ko Ekelesia ana e fitu.

Apokalipisi 11:4

Ko laua ko ni oliveto e lua ti mo ni tekiaga malama e lua ala e tutuu i mua o le Aliki o le malama nei.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.