Levitiko 23:8 - Tosi Tapu

⁸ E kotou momoli loa ki le Eteleno, i aso e fitu, ni sakilifisio tutu e le afi. I le fitu o aso, e kotou fai loa se fakatasi tapu : aua na kotou fai loa se gaoi fua e tasi.

Levitiko 23:8 ပူးပေါင်းရင်းမြစ်များ

Ekesote 12:16

I le uluaki aso, e kotou fai loa se fakatasi tapu ; ti i le fitu o aso, e kotou toe fai loa se fakatasi tapu. E leaise fai loa se gaoi i aso ana ; ko le nea e tasi leia e fakataga ko le teuteui o le nea kai a le tagata taki toka tasi.

Ekesote 13:6

I aso e fitu, e ke kai loa ni pane sala fakatupu ; ti e ke fai loa i le fitu o aso se aso lasi ki le Eteleno.

Esekiele 45:23

I aso e fitu o le Pasikate, e momoli loa e ia se failaulau ki le Eteleno ko ni pipi tagata e fitu, mo ni akeno tagata lee mele e fitu, i aso taki tasi o aso ana e fitu, mo se koti tagata ki le sakilifisio fakamolemole o agasala, i aso taki tasi.

Levitiko 23:7

I le uluaki aso, e kotou fai loa se fakatasi tapu : aua na kotou fai loa se gaoi masani.

Levitiko 23:9

Na masau loa le Eteleno kia Moisese, o pati :

Numelo 28:18

I le uluaki aso o le temi lena, e fai loa se fakatasi tapu : e leaise kotou fai loa se gaoi fakamalama.

Numelo 28:25

Ko le fitu o aso, e kotou fai loa se fakatasi tapu : e leaise kotou fai loa se gaoi fakamalama.

Numelo 28:26

Ko le aso o uluaki fua, leia e kotou ave ai loa se moliga ki le Eteleno, i magiti o le taukai foou, e kotou fai loa se fakatasi tapu, ti e leaise kotou fai loa se gaoi fakamalama.

Tetelonome 16:8

I aso e ono, e ke kai loa ni pane sala fakatupu ; kae i le fitu o aso e ke fai loa se fakatasi lasi ki le Eteleno, lou Atua : ke aua na ke fai loa se gaoi.