Levitiko 23:6 - Tosi Tapu

⁶ Ti ko le aso kau agafulu tupu lima o le masina lena, ko le aso loa a ia o pane sala fakatupu ki le Eteleno. E kotou kai loa i aso e fitu ni pane sala fakatupu.

Levitiko 23:6 ပူးပေါင်းရင်းမြစ်များ

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.

Tetelonome 16:8

I aso e ono, e ke kai loa ni pane sala fakatupu ; kae i le fitu o aso e ke fai loa se fakatasi lasi ki le Eteleno, lou Atua : ke aua na ke fai loa se gaoi.