Levitiko 23:34 - Tosi Tapu

³⁴ Masau ki fanau a Iselaele, o pati kia latou : ko le aso kau agafulu o le masina fitu leinei, ko le aso lasi loa a ia o fale pola ki le Eteleno, i aso e fitu.

Levitiko 23:34 ပူးပေါင်းရင်းမြစ်များ

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Uluaki tosi o Sau 8:2

Na fakatasi loa a tagata fuli o Iselaele ki le sau ko Salomone, i le aso lasi o le masina ko Etanime, leia ko le fitu o masina.

Uluaki tosi o Sau 8:65

Na fai loa e Salomone le aso lasi o fale pola i le temi lena, a ia mo Iselaele katoa. Na au loa se kakai api ai, leia na au mei tafatafa fuli o Amati o kaku ki le liua o Esipito, na fakatasi loa i mua o le Eteleno, lotatou Atua, i aso e fitu, ti mo ni iki ake a aso e fitu, o fakatasi ko aso e kau agafulu tupu fa.

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Neemia 8:14

Ti na lotou maua loa e tosi i le lao, leia na tuku e le Eteleno kia Moisese, e tonu ke nonofo a fanau o Iselaele i ni fale pola, i le lolotoga o le fakatasi lasi o le fitu o masina,

Ekesote 23:16

E ke taupau loa le aso o le Penikosite, o uluaki fua o lau gaoi, o le nea leia na ke muluki i lau faisaga ; ti mo le aso o le tanaki o fua o le kele, i le fakaoki o le fetuu, i le temi leia e ke tanaki ai loa a fua o lau gaoi i faisaga.

Ekesote 34:22

E ke taupau loa le aso o le Penikosite, le aso o le temi tanaki o uluaki fua o le fulumeto, ti mo le aso o le tanaki o fua i le fakaoki o le fetuu.

Esekiele 45:25

I le aso kau agafulu tupu lima o le masina fitu, i le aso lasi, e momoli loa e ia i le lolotoga o aso e fitu, a sakilifisio ana ki le fakamolemole, mo failaulau, mo le moliga lolo.

Levitiko 23:33

Na masau loa le Eteleno kia Moisese, o pati :

Levitiko 23:42

E kotou nonofo loa i ni fale pola i le lolotoga o aso ana e fitu : E nofo loa a kakai fuli o le fenua o Iselaele i ni fale pola,

Levitiko 23:43

o tupu ke iloa e okoutou tautupu muli na kau fakanonofo le kakai o Iselaele i ni fale pola, i le oki o laku fakamavae latou mei le fenua o Esipito. Ko au ko le Eteleno, ko lokoutou Atua.

Numelo 29:12

I le aso kau agafulu tupu lima o le masina fitu, e kotou fai loa se fakatasi tapu : e leaise kotou fai loa se gaoi fakamalama. E kotou fai loa se aso fakafiafia ki le Eteleno, i le lolotoga o ni aso e fitu.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 7:2

Kae kua ofi le aso lasi o le kau Sutea, ko le aso o Tapenakulo.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Tetelonome 31:10

Na tuku loa e Moisese le fakatotonu leinei kia latou : Ka oki loa ni fetuu e fitu, i le fetuu leia o le fakamolemole o maua, i le aso leia o Tapenakulo,

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:9

Ko le tui leia na ano ai loa a ia o nofo i le kele o le fakapapau ofaipe i se kele matapule, o nofo i ni falela mo Isaake, mo Sakopo, ala na maua tofiga mo ia le fakapapau e tasi ;