Levitiko 23:32 - Tosi Tapu

³² Ko se sapato loa a ia kia koutou, ko se aso malolo, ti e kotou sesunio loa. Mei le afiafi o le iva o aso o kaku ki le afiafi o le apogipogi, e kotou fai loa lokoutou sapato.

Levitiko 23:32 ပူးပေါင်းရင်းမြစ်များ

Neemia 13:19

Ti na kau fakatotonu loa ke tapono a matapa o Selusalemi i mua o le aso o le sapato, i le malu o le afiafi, ti koi toe fakamavaa latou i le oki o le sapato. Ti na kau fakatutuu loa i matapa ni iki o aku tagata fakasausau, ke aua na fakaulu se amoga i le aso o le sapato ki Selusalemi.

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Pesalemo 51:17

Aliki, fakamavaa oku laugutu, Ti e fakasa loa e loku gutu lou fakavikiviki.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Levitiko 16:29

Ko le lao leinei e kotou tausi loa o lee gato : i le aso kau agafulu o le masina fitu, e kotou sesunio loa, ti aua na kotou fai loa se gaoi fua e tasi, e koutou mo le tagata totonu o le fenua, ti mo le matapule leia e nofo mo koutou.

Levitiko 16:31

Ko se sapato loa a ia kia koutou, ko se aso malolo, ti e kotou sesunio loa. Ko se lao a ia leia ke fai tuumau loa i tautupu mo tautupu.

Levitiko 23:27

Ko le aso kau agafulu o le fitu o masina, ko le aso lasi loa a ia o le fakamalie : E kotou fai loa se fakatasi tapu, ti e kotou sesunio loa, ti e kotou momoli loa ki le Eteleno ni sakilifisio tutu e le afi.

Levitiko 23:31

Aua na kotou fai loa se gaoi fua e tasi. Ko se lao a ia ke tuku sosolo i okoutou tautupu, i ganea fuli ala e kotou nonofo ai loa.

Levitiko 23:33

Na masau loa le Eteleno kia Moisese, o pati :

Mateo 5:4

Manuia latou ala e loto mamae, talie e fakapelepelei loa latou !

Uluaki tosi ki le kau Kolinto 11:31

Kapau e tou asiasii tatou totonu, e leaise tautea loa tatou.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 4:3

Kia tatou ala kua tui, e tou ulu ki le maloloaga, o mulimuli ki lana pati : Na kau fakapapau i loku ita : Eleaise lotou ulu loa ki loku maloloaga ! Na fakasa e ia le nea lena, kae kua oki ana gaoi talu mei le fakatupu o le malama nei.