Levitiko 23:3 - Tosi Tapu

³ E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Levitiko 23:3 ပူးပေါင်းရင်းမြစ်များ

Ekesote 16:23

Ti na pati loa Moisese kia latou : Ko le nea lena leia na fakatotonu e le Eteleno. Ko apogipogi ko le aso malolo, ko le sapato tapu a ia ki le Eteleno ; kotou fakamoso le nea leia e tonu ke fakamoso, kotou fakapula le nea leia e tonu ke fakapula, ti kotou tuku ki le usu le nea leia e toe loa.

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekesote 16:30

Ti na malolo loa le kakai i le fitu o aso.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Ekesote 34:21

E ke gaoi loa i aso e ono, ti e ke malolo loa i le fitu o aso ; e ke malolo loa, tatau fai pe ko le temi gaoi i faisaga pe ko le temi tanaki o fua.

Esaia 56:2

Manuia le tagata leia e fai ia le nea lena, Ti mo le vosa o le tagata leia e tuu makeke i ai, O tausi le sapato, ke aua na maumaui a ia, Ti mo tokaga ki lona lima, ke aua na fai se nea veli !

Esaia 56:6

Ti ko le kau matapule, ala e pipiki loa ki le Eteleno o tausi kiate ia, O alofa ki le suafa o le Eteleno, O liliu ko ana tagata fakasausau, Ko latou fuli ala e tausi ia loa le sapato, Ke aua na maumaui a ia, Ti e too mau ia loa laku sai,

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Luka 13:14

Kae na itaita loa le pule o le sinakoka i le fakamauli o le masaki e Sesu i le aso o le sapato, ti na pati loa a ia ki le kakai : E i ai a aso e ono ala ke gaoi ai ; kotou au i aso ana ke fakamauli koutou, kae aua na kotou au i le aso o le sapato.

Luka 23:56

Ti na lotou liliu loa, o teuteui ni nea fakamanogi ti mo ni lolo takai. Ti na lotou malolo loa i le aso o le sapato o mulimuli ki le lao.

Gaoi 15:21

Talie kua maua i kolo fuli, talu mei tautupu afea, ni kakai ala e akonaki kia Moisese mo lau ia a ia i sapato fuli i sinakoka.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,