Levitiko 23:14 - Tosi Tapu

¹⁴ Aua na kotou kai loa se nea o le tau fulumeto lena, pe ko se pane, pe ko ni fui fulumeto tunu pe mata, i mua o le aso leia e kotou ave ai loa le fuiga fulumeto o momoli ki le Eteleno. Kotou tausi loa le fakatotonu lena, e koutou mo okoutou sakoga, i temi fuli, ti mo ganea fuli ala e kotou nonofo ai loa.

Levitiko 23:14 ပူးပေါင်းရင်းမြစ်များ

Neemia 9:14

Na ke fakasa loa kia latou lou sapato maokioki, ti na ke fakatuutuu loa a nea ana kia latou i lau tagata fakasausau ko Moisese, mo au folafola, mo au pelesepeto, mo au lao.

Pesalemo 19:8

E saosaoa le lao a le Eteleno, e fakafoou e ia le laumalie. E maoki le fakamaoki a le Eteleno, e tuku e ia le poto ki le vale.

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Ekesote 34:26

E ke aumai loa ki le fale o le Eteleno, lou Atua, a uluaki fua o le kele. Aua na ke saka loa se uviki koti i le sua u o lona tinana.

Levitiko 10:11

Ti e toe fenaaki foki mo ka kotou ako ki fanau a Iselaele a lao ala na kau tuku kia koutou ia Moisese.

Levitiko 2:14

Kapau e kotou fai loa ki le Eteleno se moliga ki uluaki fua o le kele, ti e kotou momoli loa ni fui fulumeto foou, ala kua tunu i le afi ti kua tuki ke malu, ko se moliga a ia o fua foou.

Levitiko 23:31

Aua na kotou fai loa se gaoi fua e tasi. Ko se lao a ia ke tuku sosolo i okoutou tautupu, i ganea fuli ala e kotou nonofo ai loa.

Levitiko 23:41

E kotou fai loa le aso lasi lena ki le Eteleno i fetuu fuli, i aso e fitu, i le fitu o masina. Ko se lao a ia ke tuku sosolo ki okoutou tautupu i temi fuli. E kotou fai loa a ia i le fitu o masina.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Tetelonome 16:12

E ke manatui loa na ke popula i Esipito, ti e ke tausi loa ti mo ke fai loa a lao fuli ana.