Levitiko 23:13 - Tosi Tapu

¹³ Ti kotou ave loa a ia mo se moliga nea kai, ko ni kilo falina e ono ala kua lusi ki le lolo, ofaipe se moliga tutu e le afi, ko se nea manogi malie a ia ki le Eteleno ; ti e kotou fai loa se moliga vino, ko se liti e tasi mo se vaelua.

Levitiko 23:13 ပူးပေါင်းရင်းမြစ်များ

Ekesote 30:24

mo le kase, ko ni sikele e kau lelau lima, o mulimuli ki le sikele o le sagatualio ; mo se lolo olive, ko se ini e tasi.

Ekesote 30:9

E leaise kotou momoli loa i le aletale se kaloni kese, pe ko se failaulau, pe ko se moliga, ti e leaise kotou liligi loa i ai se moliga vino.

Esekiele 4:11

Ko le vai leia e ke inu loa ko le ini e tasi i le aso, e ke inu fakavaevae loa a ia i le aso katoa.

Esekiele 45:24

E teki loa e ia ki ai se moliga nea kai ko se efa e tasi ki le pipi tagata e tasi, mo se efa e tasi ki se ovi tagata e tasi, mo se ini lolo e tasi ki se efa e tasi.

Esekiele 46:14

E ke teki loa ki le failaulau se moliga nea kai i usu fuli : ko le vaega ono o le efa, mo le vaega tolu o le ini lolo, ke lusi ai le falina. Ko se moliga nea kai lena ki le Eteleno, ti e tonu ke mulimuli tuumau ki ona lao.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:9

Kua pupuli moliga mo lipasio i le fale o le Eteleno ; Kua mamae a tagata faisakilifisio, tagata fakasausau a le Eteleno.

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Levitiko 14:10

I le valu o aso, e too loa e le tagata lena ni akeno lee mele e lua, mo se ovi fafine fetuu tasi mo lee mele, ti mo se moliga nea kai ko kilo falina e iva ala kua lusi ki le lolo ti mo se vaeluai liti lolo.

Levitiko 23:12

I le aso leia e kotou fakatapui ai loa le fuiga fulumeto, kotou momoli loa se failaulau ki le Eteleno, ko se akeno fetuu tasi mo lee mele.

Levitiko 6:20

Ko nea fuli ala e lave loa ki le sakilifisio lena, e liliu loa o maokioki. Ti kapau e pipii loa se ga toto ki se kofu, ti e fakamea loa le potu o le kofu lena na totototoa i se ganea mea ;

Numelo 28:10

Ko le failaulau tutu a ia o le sapato, ki sapato taki tasi, kae kese fai le failaulau tutu o aso taki tasi mo le lipasio.