Levitiko 23:1 - Tosi Tapu

¹ Na masau loa le Eteleno kia Moisese, o pati :

Levitiko 23:1 ပူးပေါင်းရင်းမြစ်များ

Uluaki tosi o Koloniko 23:31

ti ke lotou momoli tuumau i mua o le Eteleno a failaulau fuli ki le Eteleno, i aso sapato, mo masina foou, mo aso lalasi, o mulimuli ki le lasi o aso mo nea fuli ala kua fakatuutuu kia latou.

Lua tosi o Koloniko 2:4

Ko leinei, e kau laga ia se fale ki le suafa o le Eteleno, loku Atua, se fale ke fakatapu kiate ia, ke tutu ai le kaloni fakamanogi i ona mua, ke tuku tuumau ai a pane tapu, ti ke momoli ai a failaulau o le usu, mo le afiafi, mo sapato, mo masina foou, ti mo aso lalasi o le Eteleno, lomatou Atua, o mulimuli ki se lao lee gato ki Iselaele.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esaia 1:13

Kotou tuku le aumai o moliga noa : E kau fakalialia ki le iseso, Mo masina foou, mo sapato ti mo fakatasiga ; E leaise kau mafai ia le tio ki le tukipo i aso lalasi.

Esekiele 44:24

E lotou tui fakamaau loa i nea ala e visi, ti e lotou fakamaaui loa o mulimuli ki aku lao. E lotou tausi loa aku lao ti mo aku fakatotonu i oku aso lalasi fuli, ti e lotou tokaga loa ke fakaapaapa ki oku sapato.

Esekiele 45:17

E tokaga loa le tama aliki ki failaulau, mo moliga nea kai, mo moliga vino, mo aso lalasi o masina foou, mo sapato, mo aso lalasi fuli o le fale o Iselaele. E momoli loa e ia le sakilifisio fakamolemole o agasala, mo le moliga nea kai, mo le failaulau, mo sakilifisio fakafetai, mo sakilifisio ki le fakamolemole o agasala o le fale o Iselaele.

Esekiele 46:11

I aso lalasi mo aso fakatasi, ko le moliga ko le efa e tasi i le pipi tagata e tasi, ko le efa e tasi i le ovi tagata e tasi, mo le nea leia e loto loa a ia ki ai ki akeno, mo le ini lolo loa e tasi i le efa e tasi.

Levitiko 22:33

ti na fakamavae ia koutou mei le fenua ko Esipito ke kau liliu ko lokoutou Atua. Ko au ko le Eteleno.

Levitiko 23:2

Masau ki fanau a Iselaele, o pati kia latou : Ko aso lalasi o le Eteleno, ala e tonu ke kotou fakasa loa, ko ni fakatasi tapu. Ko nei loa oku aso lalasi :

Levitiko 23:44

Ko le masau lena na tuku e Moisese ki fanau a Iselaele o uiga mo aso lalasi o le Eteleno.

Numelo 15:3

e kotou momoli loa ki le Eteleno ni sakilifisio tutu katoa e le afi mo ni sakilifisio fakafetai, pe ki le fakasoko o se fakapapau, pe i le loto malie, pe i aso fakafiafia. E kotou filifili loa ki sakilifisio ana se pipi tagata, pe ko se ovi, pe ko se koti fafine, ti e kau tali malie loa le afu manogi o sakilifisio ana, ko au ko le Eteleno.

Kalate 4:10

E kotou tausi a aso, mo masina, mo temi, ti mo fetuu !

Kolose 2:16

Koia, ke aua na fakamaau kotou e se tasi i le nea kai mo le nea inu, pe i se aso lasi, pe i se masina foou, pe i se sapato :