Levitiko 22:4 - Tosi Tapu

⁴ Ko tagata fuli o le faasiga o Alone, leia e maua ia loa le kilia pe ko se masaki fakatagata, e leaise kai loa e ia a nea tapu o kaku ki lona mea. E toe tatau ki leia e lave loa ki se tasi leia kua kelekele i se mate, pe ko leia na sali lona sua vai fakatagata i le pouli,

Levitiko 22:4 ပူးပေါင်းရင်းမြစ်များ

Levitiko 11:39

Ti kapau e mate loa se manu leia e feala ke kai, e kelekele loa leia e lave loa ki ai o kaku ki le afiafi.

Levitiko 15:17

Ko kofu fuli, mo kie kafu fuli, mo kili fuli ala e lave ki ai le sua vai fakatagata, e tonu ke fakamea loa ki se vai, ti e kelekele loa a ia o kaku ki le afiafi.

Levitiko 2:10

E tuku loa le nea leia e toe i le moliga kia Alone mo ona vosa ; ko se vaega tapu a ia i sakilifisio ala kua tutu e le afi i mua o le Eteleno.

Levitiko 2:3

E tuku loa le potu leia na toe i le moliga kia Alone mo ona vosa ; ko se vaega maokioki lasi a ia i sakilifisio ala kua tutu e le afi i mua o le Eteleno.

Levitiko 21:1

Na pati loa le Eteleno kia Moisese : masau ki le kau faisakilifisio, vosa o Alone, o pati kia latou : E leaise fakakelekele loa le tagata faisakilifisio i lona kakai o tupu ko se mate,

Levitiko 21:22

E feala loa ke kai e ia le nea kai o lona Atua, ni nea maokioki lasi mo ni nea tapu.

Akeseo 2:13

Ti na pati loa Akeseo : Kapau kua kelekele loa se tagata o tupu ko se mate, ti e fafa loa a ia ki nea fuli ana, pe kelekele loa a nea kai ana ? Ti na tali loa le kau faisakilifisio : E io, e lotou kelekele loa.

Numelo 18:19

E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Numelo 18:9

Ko nei a nea ala e ke maua loa i nea taputapu ala kua sao i le afi : ko alatou moliga nea kai fuli, mo alatou nea alofa fuli, ti mo alatou sakilifisio fakamalie fuli, ala e lotou momoli mai loa kiate au. E tuku loa a nea taputapu ana kiate koe mo ou vosa.

Numelo 19:20

Ko se tagata leia e kelekele loa, ti e leaise fakamea loa i le vai, e tuuti loa a ia mei loto malie o le fakatasi, talie kua fakakelekele e ia le sagatualio o le Eteleno. Talie na leaise afusi kiate ia le vai fakamea, e kelekele loa a ia.