Levitiko 22:32 - Tosi Tapu

³² Aua na kotou fakakelekele loa loku suafa tapu, talie e kau loto ke iloa e fanau a Iselaele loku maokioki. Ko au ko le Eteleno, leia e fakamaokioki ia koutou,

Levitiko 22:32 ပူးပေါင်းရင်းမြစ်များ

Esaia 5:16

Kae e siki loa ki aluga le Eteleno o kau tau i lana fakamaau, Ti e fakamaokioki loa le Atua maokioki i le faitotonu.

Esaia 8:13

Ko le Eteleno o kau tau leia e tonu ke kotou iloa ko le Maokioki, Ti ko ia leia e tonu ke kotou i ki ai, ti ke kotou lulu ki ia.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Levitiko 20:8

Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Levitiko 21:15

O tupu ke aua na fakaulu loa e ia se sakoga kese ki lona famili. Ko au ko le Eteleno leia e fakamaokioki ia a ia ke tausi kiate au.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Levitiko 22:16

Kapau e lotou kai loa a moliga tapu kae e leaise lotou mea, e lotou teki loa ki fanau a Iselaele se agasala leia e tonu ke totogi : talie ko au ko le Eteleno, leia e fakatapui ia a moliga.

Levitiko 22:2

Masau kia Alone mo ona vosa ke lotou fakaapaapa ki nea tapu ala kua momoli mai kiate au e fanau a Iselaele, ti ke aua na lotou fakakelekele loku suafa tapu. Ko au ko le Eteleno.

Levitiko 22:31

Kotou tausi loa aku fakatotonu, ti kotou fai loa latou. Ko au ko le Eteleno.

Levitiko 22:33

ti na fakamavae ia koutou mei le fenua ko Esipito ke kau liliu ko lokoutou Atua. Ko au ko le Eteleno.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Luka 11:2

Na pati loa Sesu kia latou : Ka kotou faikole, ti kotou pati : Tamana ! Ke tapusa lou suafa ; ti ke au lou pule.

Soane 17:17

Fakatapui latou ki le maoki, ko lau folafola ko le maoki.

Uluaki tosi ki le kau Kolinto 1:2

ki le Ekelesia o le Atua i Kolinito, kia latou ala kua vaei kese ia Sesu-Kilisito, ti kua kalagai ke maokioki, ti mo latou fuli ala e too ia i potu kesekese le suafa o lotatou Aliki ko Sesu-Kilisito, ko lolatou Aliki ti ko loma Aliki foki.