Levitiko 22:27 - Tosi Tapu

²⁷ Ka fanaui loa se uviki pipi, pe ko se akeno, pe ko se uviki koti, e nofo loa a ia mo lona tinana i ni aso e fitu ; kae kamata atu loa i le valu o aso, e feala loa ke momoli a ia i se sakilifisio tutu e le afi ki le Eteleno.

Levitiko 22:27 ပူးပေါင်းရင်းမြစ်များ

Ekesote 22:29

Aua na ke toe fakatoloi ia loa le momoli mai o uluaki fua o lau fulumeto pe ko lau vite. E ke soli mai loa kiate au le uluaki o ou vosa.

Ekesote 22:30

E ke soli mai loa kiate au le uluaki o lau pipi fafine mo lau ovi fafine ; e nofo loa le uviki i aso e fitu mo lona tinana ; kae i le valu o aso, e ke soli mai loa a ia kiate au.

Ekesote 28:38

E tuu loa a ia i le lae o Alone, ti e amo loa e Alone a sala o fanau a Iselaele mo ka lotou momoli alatou moliga tapu i mua o le Eteleno, ti e tali loa e le Eteleno a fanau a Iselaele.

Levitiko 22:25

Aua na kotou tali mei lima o se tagata matapule se manu fua e tasi i manu ana, ke momoli ai se nea kai ki lokoutou Atua ; talie kua puli se koga o manu ana, ti kua lotou nofo mo se mele : e leaise tali malie loa latou.

Levitiko 22:26

Na masau loa le Eteleno kia Moisese :

Uluaki tosi a Samuele 7:9

Na too loa e Samuele se akeno koi u, o momoli katoa a ia i se failaulau ki le Eteleno. Na tagi loa a ia ki le Eteleno o uiga mo Iselaele, ti na tali loa a ia e le Eteleno.