Levitiko 22:23 - Tosi Tapu

²³ E feala loa ke ke momoli se sakilifisio alofa ki se pipi tagata pe ko se akeno leia e nofo mo se vae leia e loa pe toetoe ; kae e leaise ke momoli loa aia o tupu ke fakasoko ai se fakapapau.

Levitiko 22:23 ပူးပေါင်းရင်းမြစ်များ

Ekesote 35:29

Ko fanau fuli a Iselaele, tagata mo fafine, ala na loto malie ke kau ki le gaoi leia na fakatotonu e le Eteleno kia Moisese, na ave ia loa ki le Eteleno ni moliga o fakalogo ki le loto.

Levitiko 21:18

E leaise feala loa ke fakafeofi a tagata fuli ala e maua ia loa se maimoa : se kivi, mo se kito, mo leia e maua ia se maimoa i lona isu pe ko ona mata ;

Levitiko 22:22

Aua na kotou momoli loa se manu leia e kivi, pe kito, pe lavea, pe tonaa, pe kamaa ; ke aua na kotou fai loa ki a nea ana se sakilifisio tutu e le afi i aluga o le aletale i mua o le Eteleno.

Levitiko 22:24

Aua na kotou momoli loa ki le Eteleno se manu tagata leia kua sala fa kou, pe kua lalai, pe kua tatai pe kua motusi. Aua na kotou fai loa kia latou ni sakilifisio i lokoutou fenua.

Malakia 1:8

Ka kotou momoli se failaulau ki se manu kivi, pe leaise veli ? Ka kotou momoli se manu kito pe maimoa, pe leaise veli ? Ke ke momoli a ia ki lou kovana ! Pe tali malie loa e ia a koe, pe tuku atu loa e ia kiate koe se nea malie ? E pati le Eteleno.

Tetelonome 15:21

Kapau e maua loa e ia se mele, kapau e kito a ia pe kivi, kapau e maua e ia se lavea veli, ke aua na ke momoli loa a ia i se sakilifisio ki le Eteleno, lou Atua.

Tetelonome 17:1

Ke aua na ke momoli loa i se sakilifisio ki le Eteleno, lou Atua, se pipi, pe ko se akeno, pe ko se koti, leia e maua ia se mele pe ko se masaki, talie e fakalialia loa le Eteleno, lou Atua, ki le manu lena.