Levitiko 22:16 - Tosi Tapu

¹⁶ Kapau e lotou kai loa a moliga tapu kae e leaise lotou mea, e lotou teki loa ki fanau a Iselaele se agasala leia e tonu ke totogi : talie ko au ko le Eteleno, leia e fakatapui ia a moliga.

Levitiko 22:16 ပူးပေါင်းရင်းမြစ်များ

Pesalemo 38:4

E leaise nea fua koi malie i loku tino, o tupu ko lou sausau ; E leaise koi maua se makeke i oku ivi, o tupu ko laku agasala.

Ekesote 28:38

E tuu loa a ia i le lae o Alone, ti e amo loa e Alone a sala o fanau a Iselaele mo ka lotou momoli alatou moliga tapu i mua o le Eteleno, ti e tali loa e le Eteleno a fanau a Iselaele.

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Levitiko 20:8

Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Levitiko 21:15

O tupu ke aua na fakaulu loa e ia se sakoga kese ki lona famili. Ko au ko le Eteleno leia e fakamaokioki ia a ia ke tausi kiate au.

Levitiko 21:23

Kae e leaise ano loa a ia ki le lito, ti e leaise fakafeofi loa a ia ki le aletale, talie e maua e ia se maimoa fakatino ; e leaise fakakelekele loa e ia oku sagatualio, talie ko au ko le Eteleno, leia e fakamaokioki ia latou.

Levitiko 21:8

E ke tio loa ki le tagata faisakilifisio e maokioki, talie e momoli e ia le nea kai o lona Atua ; e maokioki loa a ia kiate koe, talie e kau maokioki, a au, ko le Eteleno, leia e fakamaokioki ia koutou.

Levitiko 22:17

Na masau loa le Eteleno kia Moisese, o pati :

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Levitiko 7:18

Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.

Numelo 18:1

Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 18:32

E leaise kotou amo loa i ai se agasala e tasi, mo ka kua kotou too loa i ai le vaega malie tukupau, e leaise kotou fakakelekele loa a moliga tapu o fanau a Iselaele, ti e leaise kotou mamate loa.

Mateo 23:17

Kau vale ti mo kau kivi ! Kofea le nea leia e mauiga ake, ko le aulo pe ko le fale tapu leia e fakatapu ia le aulo.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.