Levitiko 21:9 - Tosi Tapu

⁹ Kapau e faiaga loa se taine o se tagata faisakilifisio, e fakamatagafua loa e le taine lena a ia totonu, ti e toe fakamatagafua e ia mo lona tamana : e tutu loa a ia i le afi.

Levitiko 21:9 ပူးပေါင်းရင်းမြစ်များ

Senesi 38:24

Na sili loa ki ai ni masina e tolu, ti na fakasa loa kia Suta : Kua faiaga lou fugao ko Tamale, ti ko leinei kua tinae a ia i lana faiaga. Ti na pati loa Suta : Kotou aumai a ia ke tutu mauli !

Ekesote 31:14

E kotou tausi loa le sapato, talie ko se aso tapu lena kia koutou. Ko leia e maumaui ia loa a ia, e tua loa a ia ki le mate ; ko leia e fai ia loa se gaoi i le aso lena, e tuuti loa a ia mei lona kakai.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Levitiko 19:29

Aua na ke fakamatagafua loa lou taine o soli a ia ke faiaga fakalotu, talie e feala loa ke vilo le fenua ki le faiaga, ti ke apele a ia i aga fakalialia.

Levitiko 20:14

Kapau e avaga loa se tagata mo se taine mo le tinana, ko se nea veli lasi a ia : e tutu loa latou i le afi, le tagata mo fafine toka lua, o tupu ke aua na toe fai loa le veli lena i loto malie o koutou.

Malakia 2:3

Ko leinei, e kau maumaui loa akoutou pulapula, Ti e kau laku loa ki okoutou mata ni faikauga, A faikauga o manu ala e kotou momoli i akoutou sakilifisio, Ti e ave loa koutou mo latou.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tito 1:6

mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Sosue 7:15

Ti ko leia na maua loa na too ia a nea ala na fakatapui, e tutu loa i le afi, a ia mo nea fuli na maua e ia, talie na maumaui e ia le fakapapau a le Eteleno, ti na fai e ia se agasala i Iselaele.

Sosue 7:25

Na pati loa Sosue : Na ke fakatupu ia lomatou malaia ! E fakamalaia loa a koe e le Eteleno i le aso nei. Ti na tuki fatui loa a ia e Iselaele katoa. Ti na lotou toe tamate fenaaki loa lona famili katoa, kae na lotou tutu loa ana nea fuli.

Uluaki tosi a Samuele 2:17

Na fai e tagata ana se agasala lasi i mua o le Eteleno, talie na la fakanoai a moliga a le Eteleno.

Uluaki tosi a Samuele 2:34

Ti ko le fakamailoga leinei kiate koe, ko le nea leia ka soko loa ki ou vosa e toka lua ko Ofeni mo Finesi ; e la mamate loa toka lua i le aso e tasi.