Levitiko 21:5 - Tosi Tapu

⁵ E leaise fai loa e le kau tagata faisakilifisio ni tosula, mo ni ma, ti mo ni masikasika i olatou tino.

Levitiko 21:5 ပူးပေါင်းရင်းမြစ်များ

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 48:37

Talie kua tele a ulu fuli, Kua tuuti a kaukava fuli, Kua matafatafa a lima fuli, Ti kua sulu ni taga ki vakavaka fuli.

Esekiele 44:20

E leaise lotou tele loa olatou ulu, ti e leaise lotou tuku loa olatou ulu ke loloa ; kae e tonu ke lotou koti latou.

Esekiele 5:1

Ti ko koe, vosa o le tagata, too se nea matakakai, se mataitele tele kava ; too a ia, o ke tele lou ulu mo lou kaukava. Ti ke too loa se fua, ti ke vae tolu loa a fului ulu.

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Levitiko 21:4

Ko le tagata faisakilifisio ko le pule a ia o lona kakai, koia e leaise tonu ai ke fakakelekele a ia, talie e matagafua loa a ia i ai.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Tetelonome 14:1

Ko fanau koutou a le Eteleno, lokoutou Atua. Ke aua na kotou fai loa ni tatau ki okoutou tino, ti ke aua na kotou tele loa okoutou tumuaki, o tupu ko se mate.