E leaise lotou avaga loa mo se fafine lokonui, pe ko se fafine leia na kapu e lona avaga, kae e lotou avaga loa mo ni taine taupoou o le fale o Iselaele ; e feala foki ke lotou avaga mo se fafine lokonui, avaga o se tagata faisakilifisio.
E leaise mavae loa a ia i le sagatualio, ti e leaise fakakelekele loa e ia le sagatualio o lona Atua ; talie kua fakatapui a ia e le lolo tapu o lona Atua. Ko au ko le Eteleno.
E leaise too loa e ia se fafine lokonui, pe ko se fafine na kapu, pe ko se fafine faiaga, pe ko se fafine leia kua maumaui lona taupoou ; kae e avaga loa a ia mo se taine taupoou i lona kakai.
E leaise lotou avaga loa mo se fafine faiaga pe kua maumaui, e leaise lotou too loa se fafine leia kua kapu e lona avaga, talie e lotou maokioki ki lolatou Atua.
Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.
Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.
