Levitiko 21:12 - Tosi Tapu

¹² E leaise mavae loa a ia i le sagatualio, ti e leaise fakakelekele loa e ia le sagatualio o lona Atua ; talie kua fakatapui a ia e le lolo tapu o lona Atua. Ko au ko le Eteleno.

Levitiko 21:12 ပူးပေါင်းရင်းမြစ်များ

Ekesote 28:36

E ke fai loa se palaa ki le aulo mea, ti e ke togi loa i ai ofaipe le togi o se mama : Ko le Maokioki ki le Eteleno.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Levitiko 10:7

Kae ko koutou, ke aua na kotou mavae loa i le falela tapu, mo ka e leaise kotou loto ke kotou mamate ; talie e nofo ia koutou le lolo tapu o le Eteleno. Ti na lotou fai loa le nea leia na fakasa e Moisese.

Levitiko 21:13

E avaga loa a ia mo se taine taupoou.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Numelo 6:6

I le temi katoa o lona fakatapui ki le Eteleno, e leaise fakafeofi loa a ia ki se tasi leia kua mate ;

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.