Levitiko 21:1 - Tosi Tapu

¹ Na pati loa le Eteleno kia Moisese : masau ki le kau faisakilifisio, vosa o Alone, o pati kia latou : E leaise fakakelekele loa le tagata faisakilifisio i lona kakai o tupu ko se mate,

Levitiko 21:1 ပူးပေါင်းရင်းမြစ်များ

Esekiele 44:25

E leaise ano loa le tagata faisakilifisio ki se mate, talie na kelekele a ia i lana ano ki le mate ; koi mafai ke fakakelekele loa a ia mo kapau ko lona tamana leia e mate, pe ko lona tinana, pe ko se tasi o ana fanau, pe ko se tasi i ona fetaina, pe ko se tuagaane leia e leikiaise avaga.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Levitiko 19:28

Aua na kotou fai loa ni masikasika i okoutou tino o tupu ko se mate ; aua na kotou fai loa ni tatau i lokoutou kili. Ko au ko le Eteleno.

Levitiko 21:11

E leaise ano loa a ia ki se mate ; e leaise fakakelekele loa a ia o tupu ko lona tamana mo lona tinana.

Malakia 2:1

I le temi nei, kia koutou le fakatotonu leinei, kau pelepitelo !

Malakia 2:4

E kotou iloa ai loa na kau tuku atu kia koutou le fakatotonu lena, O tupu ke mauli laku sai mo Levi, E pati le Eteleno o kau tau.

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Numelo 19:14

Ko leinei le lao : Ka mate loa se tagata i se falela, ko leia e ulu loa ki le falela lena, mo leia e nofo loa i ai, e kelekele loa.

Numelo 19:16

Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Numelo 5:2

Fakatotonu ki fanau a Iselaele ke fakamavae mei le nofolaga a kilia fuli, mo tagata fuli ala e nofo mo se masaki fakatagata, ti mo tagata fuli ala kua kelekele i se mate.

Numelo 6:6

I le temi katoa o lona fakatapui ki le Eteleno, e leaise fakafeofi loa a ia ki se tasi leia kua mate ;